Xo nuxu so enu ciwo yí jɔnɔ ji nɔ amɛwo nu

Lé Yesu Wɛ Do

VIDEO: Yesu koɖo Nyɔnu Samaritɔ lɔ le Dotɔ tu

1. Kpɔ VIDEO lɔ, alo hlɛn Ʒan 4:​6-9. Le yi goduɔ, gbeje nyɔbiɔse ciwo yí gbɔgbɔ mɛ:

1. Nyi Yesu do jeshi le nyɔnu lɔ nu gbɔxwe yí tɔ seŋ kankan koɖiɔ?

2. Yesu nu mɔ: “Na eshi Ŋ ma nu.” Nyi yí taɖo eshi ci Yesu biɔ, nyi emɔ ŋtɔŋtɔ ɖe ci ji eto yí tɔ seŋ kankan ɔ?

Nyi Mìkpla So Yesu Kpɔwɛ Lɔ Mɛɔ?

2. Mìwo seŋkankanwo awanɔ dɔ do amɛwo ji sɔwu, nɔ mìxonɔ nuxu so enu ciwo yí jɔnɔ ji nɔ wo nu.

Sran Yesu

3. Senɔ nu gɔnmɛ. Ŋgbenunɔ mɔ enu ci yedra do do susu mɛ ɖɛ nu yeaxo nuxu so duu o. Tɔ seŋ kankan so enu ciwo yí xa susu mɛ nɔ amɛwo gbɛ koɖo enyɔ ciwo yí le atɛɛ mɛ nu. Biɔ eoɖeki se mɔ:

1. ‘Enyɔ ciwo yí le enyɔdrawemawo mɛɔ?’

2. ‘Nyiwo nu anyi xwexatɔwo, anyi dɔmɛkpenawo alo anyi suklukpenawo xonɔ nuxu soɔ?’

4. Lenɔ ŋkuvi do nuwo nu. Biɔ eoɖeki se mɔ:

1. ‘Nyi mɛ lɔ wakɔ yɛɔ? Nyi nu atɛnŋ abukɔ tamɛ kpɔ soɔ?’

2. ‘Nyi amɛ lɔ nudodo, yi zezemɛ koɖo yi xwe mɛ dasɛ nɔŋ so yi jixɔse alo fini eso nuɔ?’

3. ‘Anyɔ mɔ nakan seŋ koɖo mɛ lɔ hweyɛnua?’

5. Ðonɔ to.

1. Ŋgbexonɔ nuxu sugbɔ o.

2. Kpedo amɛ lɔ nu, nɔ anu enyɔ ci yí le yi ji mɛ. Biɔ nyɔwo yi se, nɔ eʒan.