Kpedo ao Bibla nukplaviwo nu nɔ woayinɔ bɔbɔwo

Hamɛ lɔ bɔbɔwo nyi akpaxwe vevi ɖeka nɔ sɛnsɛn adodwitɔ lɔ. (Ehajiji Wema 22:22) Eji jɔnɔ mɛ ciwo pleŋ bɔnɔ doju yí sɛnsɛn Yehowa yí ecunɔ shi nɔ wo. (Ehajiji Wema 65:4) Blaŋblaŋ ɔ, Bibla nukplaviwo ɖeblɛ yinɔ ŋkɔ le gbɔngbɔnmɛ nɔ woyikɔ bɔbɔ ɖekpokpui.

Lé àwɛ akpedo ao Bibla nukplaviwo nu nɔ woayinɔ bɔbɔwoɔ? Kpɔtɔ ayɔnɔ wo nɔ bɔbɔwo. Dasɛ video ci yí nyi Nyiwo yí jɔnɔ le Fyɔɖuxuxɔwo mɛɔ? nɔ wo. Dre ele ciwo wokpɔnɔ le bɔbɔwo yiyi mɛ nɔ wo. (lff enukplakpla 10) Èhɛn axo nuxu so enuvevi ɖe ci èkpla le bɔbɔ nu ni alo axo nuxu so enyɔ ci nu woaxo nuxu so le bɔbɔ ci yí gbɔgbɔ mɛ nu ni. Sɔ wema ciwo woavazan nɔ ao nukplavi lɔwo. Gbewa nu ŋtɔŋtɔ yí asɔ kpedo wo nu. Taŋfuin woʒan kpekpedonu nɔ emɔzɔnzɔn nɔ bɔbɔ lɔwo vava. Egbla ɖeshiaɖe ci àdo yí ao Bibla nukplavi ava bɔbɔ ŋkɔtɔ danyi gbali o.—1 Korɛntitɔwo 14:24, 25.

MÍKPƆ WADASƐ VIDEO CI YÍ NYI KPEDO AO BIBLA NUKPLAVIWO NU NƆ WOAYINƆ BƆBƆWO, KEŊ AÐO NYƆBIƆSE CIWO MÌAKPƆ YƐ ŊCI:

• 

  Nyi nu Neta zɔndo yí sɔ yɔ Ʒake nɔ hamɛ lɔ bɔbɔwoɔ?

• 

  Nyi yí taɖo ejɔnɔ ji nɔ mì nɔ Bibla nukplavi ɖe va bɔbɔwoɔ?

• 

  Nyi yí jɔ do Ʒake ji ci eva bɔbɔ ŋkɔtɔɔ?