Wodadahɛn nyigban lɔ—Nyɔ ci Bibla nu so nuɔ?

“Agbetɔwo wawa enu sugbɔ ciwo yí adɔ ayamɛ nɔnɔmɛwo agbenyina doji sabaɖe yɛ. Eshi xɔ jugan sugbɔ. Zozu wugan keke wodekpɔ yɛ han kpɔ o. Jihɔnshi ganganwo. Eshi dɛndɛn le afi sugbɔ. Aci, egbe koɖo elan miliɔn nɛniɖe guguɔ. Denyi enyɔkpakpawo yí nyi nyɔ cɛ alo enyɔ wogangankɔ o. Jɔjɔmɛnununyawo dasɛ nɔ mì mɔ, nɔ acɛkpakpawo detrɔ ese ciwo yí bɔdo lé wozannɔ ezoxɔxɔŋsɛnnuwo do nuɔ, enu cɛwo yí ajɔ do xexe lɔ ji.”—Enyɔ ci António Guterres, ci yí nyi wemaŋwlɛtɔ nɔ Jukɔnwo xoxoxu (Nations Unies) nu kuso kɔnŋta ci gbɛbɔbɔ ci yí nyi Groupe d’experts Intergouvernemental ci yí kpɔnɔ ayamɛ nɔnɔmɛwo gbɔ jo nu le 4 avril 2022 nɛ.

“Jɔjɔmɛnununyatɔwo nu mɔ sabaɖe yɛɔ, hwɛɖeka yí akpɔtɔ nɔ esaɖyiɖyi tɔxu (parcs nationaux) 423 ciwo pleŋ yí [le Etats-Unis], ciwo nu yí ezoxɔxɔ lɔ dadahɛn nu le taŋ. Aobinu ciwo yí atɛnŋ ajɔ le shigbe jɔjɔmɛfɔku ciwo nu mìatɛnŋ ahlɛn nu so le Bibla mɛ nɛ. Wowo yí nyi: ezojeavewo koɖo eshixɔaxwewo, eshikpe jajawo, axu aɖɔ agban koɖo zozu ciwo yí wugan.”—“Eshi ci yí xɔ Chaos le Yellowstone nyinyiɛ jeshi ɖeka nɔ aobinu ci yí avajɔ le yiyi mɛ,” The New York Times, 15 juin 2022.

Woatɛnŋ akpɔ ayamɛ nɔnɔmɛ ciwo yí dadahɛn gbɔa? Nɔ enyi ahan yɔ nɛ ɖe, mi yí akpɔ gbɔɔ? Kpɔ nyɔ ci Bibla nu ɖa.

Wonu ɖɛ mɔ ayamɛ nɔnɔmɛwo adahɛn

Bibla nu mɔ Mawu “a trɔn amɛ ciwo yí trɔn nyigban lɔ.” (Enyɔdasɛ 11:18) Bibla kpaxwe cɛ kpla enu amɛtɔn mì:

1. 1. Agbetɔwo nuwanawo adahɛn nu le nyigban lɔ nu sugbɔ.

2. 2. Wodagbedahɛn nyigban lɔ o.

3. 3. Mawu yí akpɔ ayammɛ nɔnɔmɛ ciwo yí dadahɛn le xexeɛ mɛ gbɔ, denyi agbetɔwo yɔ o.

Esɔ mɛ nywi ɖeka li nɔ mìwo nyigban

Bibla nu mɔ “nyigban ani tɛgbɛɛ.” (Ŋununyatɔ 1:4, NWT) Woanɔ ji tɛgbɛɛ.

• “Amɛ nywiwo a xɔ Mawu gbeɖu nyigban. Wo a nɔ̀ ji keke a sɔyì mavɔmavɔ.”—Ehajiji Wema 37:29.

Woavadra enu ciwo pleŋ yí dahɛn do le mìwo nyigban lɔ ji.

• ‘Zogbeji ci xu geŋ avale jijɔkpɔkpɔ mɛ sugbɔ. Zogbeji lɔ akpɔ jijɔ yí ale shigbe acisese nɛ.’—Ezai 35:1.