Lanmɛsɛn Nyɔwo​—Enu Ci Mawu Fyɔɖuxu lɔ Avawa So Wo Nu

“Ci COVID-19 dɔ̀vɔn lɔ vɔ le xexeɛ mɛɔ, dédasɛ mɔ edɔ̀vɔn bu ɖe dagbeva xexeɛ mɛ o.. . . Eyi taɖo mìɖo adra do ɖɛ.”​—Dr. Tedros Adhanom Ghebreyesus, Xexeɛ Lanmɛsɛn Habɔbɔ keŋkeŋ jikpɔtɔ, 22 Mai 2023.

Amɛ sugbɔ kpɔtɔ kpekɔ fun le lanmɛ koɖo susu mɛ, ɖo COVID-19 dɔ̀vɔn lɔ wa nu koɖo wo. Acɛkpakpawo koɖo lanmɛsɛn dɔwaxuwo atɛnŋ akpɔ mìwo lanmɛsɛn cukaɖawo pleŋ gbɔ le kakacɛ mɛ, keke avakan ciwo woadra do ɖɛ nɔa?

Bibla yɔ acɛkpakpa ɖeka ci yí ana mìanɔ lanmɛsɛn blebu mɛ. Énu mɔ “jeŋkwimɛ Mawu aɖo fyɔɖuxu ɖeka,” alo acɛkpakpa ɖeka. (Daniɛli 2:44, NWT) Nɔ acɛkpakpa hunnɔ vaɔ, “amɛɖekpokpwi ci yí le enɔ da nu mɔ, ‘Ŋ ble o.’” (Ezai 33:24) Mɛshiamɛ ase vivi nɔ lanmɛsɛn blebu yí aɖo ŋsɛn shigbe jajɛ nɛ.​—Job 33:25.