Wɛ nɔ ɖekawawa akpɔtɔ anɔ hamɛ lɔ mɛ

Nɔ mìle mìwo kpena xɔsetɔwo mɛɔ, ewanɔ nɔ mì shigbe Efyɔ David nɛ. Énu mɔ: “Ooo, lé e nyɔ do, yí je acɔ do, hwecinu nɔvinɔwo tɛnŋ nɔ̀ anyinɔnɔ doju yí xoca nyɔnɔnwitɔ!” (Ehajiji Wema 133:1) Denyi enudogodonunu yí ɖekawawa mìwotɔ lɔ nyi o. Mɛshiamɛ wanɔ akpa ɖe le mì mɛ yí ɖekawawa lɔ kpɔtɔ nini.

1. Nyi yí to akpo le Mawu mɛwo nuɔ?

Nɔ èyi hamɛ bɔbɔ ɖe le eju bu mɛɔ, taŋfuin dase egbe ci wodokɔ o, vɔ àvo le eoɖeki mɛ yí akpɔɛ mɔ wolɔn ye. Nyi yí taɖoɔ? Ðo wema ɖekaŋmɛwo yí mìsɔ kplanɔ Bibla le fiɖekpokpui. Mígbetekpɔ yí lɔnnɔ mìwonɔnɔwo. Nɔ egbenyi fiɖe yí mìle can ɔ, mì pleŋ yɔnɔ ‘Yehowa ŋkɔ yí sinni alɔlealɔmɛ.’—Zefania 3:9, NWT.

2. Akpaxwe ci àwa nɔ ɖekawawa lɔ akpɔtɔ aniɔ?

“Mí lɔn míwonɔnɔwo sɛnsinɖe koɖo míwo jiwo pleŋ.” (1 Piɛ 1:22) Lé àtɛnŋ awa do nukplamu cɛ ji doɔ? Ŋgbesɔ susu ɖonɔ mɛbuwo gbɔjɔgbɔjɔwo ji o, vɔ donɔ jeshi wowo nɔnɔmɛ nywiwo. Denyi mɛ ciwo eo koɖo wowo nyinɔ ɖekɛ yí àdonɔ ha koɖo o, vɔ tekpɔ ajeshi nɔviŋsu koɖo nɔvinyɔnu vovovowo. Nɔ mìɖo susu masɔgbe ɖe do mɛɖewo nu can ɔ, mìatɛnŋ aje agbla aɖi si.—Hlɛn 1 Piɛ 2:17.a

3. Nyi àwa nɔ manyimanyi ɖe ɖo eo koɖo ao kpena Kristotɔ ɖe gblamɛɔ?

Mìwa ɖeka; ele ahan gan, nuvɔnmɛwo mìnyi. Hweɖowonuɔ, mìjenɔ agɔ alo wanɔ nuvevi koɖo mìwonɔnɔwo. Eyi taɖo Mawu Nyɔ lɔ nu nɔ mì mɔ: “Mí sɔ agɔjeje ke míwonɔnɔwo shigbe lé [Yehowa] sɔ ke mí ɛnɛ.” (Hlɛn Kolosetɔwo 3:13.) Mìjenɔ agɔ do Yehowa gbɛmɛgbɛmɛ, gan ésɔ kenɔ mì. Eyi taɖo eji mɔ mìwo le sɔ nu kenɔ mìwo nɔviwo. Nɔ èkpɔɛ mɔ yewa nu koɖo mɛɖeɔ, yi mɛ lɔ gbɔ nɔ míakpɔ nyɔ lɔ gbɔ.—Hlɛn Matie 5:23, 24.b

JI DWI NI KPƆ DOJI

4. Ðu susu masɔgbe ɖoɖo do mɛbuwo nu ji

Mìji mɔ mìalɔn mìwo nɔviwo pleŋ. Vɔ etɛnŋ gbɔnnu nɔ mì mɔ, mìalɔn mɛɖe ci yí ewa nɔ mì shigbe mɔ éto akpo nɔ mì nɛ. Nyi yí atɛnŋ akpedo mì nuɔ? Hlɛn Edɔwawawo 10:34, 35, keŋ agbeje nyɔbiɔse cɛwo mɛ:

• Yehowa lɔn yí mɛɖekpokpui ŋmɛ vanyinɔ yi Kunuɖetɔ. Nɔ èwakɔ nu ɖaɖa mɛ ciwo yí to akpo nɔ eo gbɔ ɖe, lé àsran Yehowa doɔ?

• Susu masɔgbe ciwo amowo ɖonɔ do mɛbuwo nu le fini èleɔ? Nyi yí taɖo èɖo aze nɔ susu masɔgbe lɔwoɔ?

Hlɛn 2 Korɛntitɔwo 6:11-13, keŋ agbeje nyɔbiɔse cɛ mɛ:

• Ci èkpɔɛ ɖe, lé àwɛ agbelɔn nɔvioŋsu koɖo nɔvionyɔnuwo pleŋ sɔwuɔ?

5. Sɔ ke faa keŋ awa fafa

Ci deʒan mɔ mìasɔ ŋɖe ke Yehowa can ɔ, élɔn faa sɔ nu kenɔ mì. Hlɛn Ehajiji Wema 86:5, keŋ agbeje nyɔbiɔse cɛwo mɛ:

• Lé Yehowa sɔsɔke gangan doɔ?

• Sɔsɔke yitɔ jeŋ nɔ eoa? Nyi yí taɖoɔ?

• Nɔnɔmɛ ciwo yí atɛnŋ ana agbɔnnu nɔ mì mɔ mìanyi koɖo mɛbuwo agloɔ?

Lé mìawɛ asran Yehowa yí akpɔtɔ awa ɖeka koɖo mìwo nɔviŋsu koɖo nɔvinyɔnuwoɔ? Hlɛn Elododo Wema 19:11, keŋ agbeje nyɔbiɔse cɛ mɛ:

• Nɔ mɛɖe do dɔmɛzi nɔ eo alo je agɔ do eo ɖe, nyi àtɛnŋ awa asɔ kpɔ nyɔ lɔ gbɔɔ?

Mìjenɔ agɔ do amowo hweɖowonu. Nɔ ejɔ ahan ɖe, nyi mìɖo awaɔ? Xo VIDEO lɔ, keŋ agbeje nyɔbiɔse ci yí gbɔgbɔ mɛ.

VIDEO: Fafawawa hɛnnɔ shicuwo vɛ (6:01)

• Le video lɔ mɛ ɖe, nyi nɔvinyɔnu lɔ wa keŋ yí wa fafaɔ?

6. Donɔ jeshi nɔnɔmɛ nywiwo le nɔvioŋsu koɖo nɔvionyɔnuwo nu

Nɔ mìte gogo mìwo nɔviŋsu koɖo nɔvinyɔnuwoɔ, mìkpɔnɔ wowo nɔnɔmɛ nywiwo koɖo wowo gbɔjɔgbɔjɔwo. Ci enyi ahan ɖe, lé mìawɛ asɔ susu ɖo wowo nɔnɔmɛ nywiwo jiɔ? Xo VIDEO lɔ, keŋ agbeje nyɔbiɔse ci yí gbɔgbɔ mɛ.

VIDEO: Nyɔkɔ doji gashiagamɛ! (5:10)

• Nyi yí atɛnŋ akpedo eo nu nadonɔ jeshi nɔvioŋsu koɖo nɔvionyɔnuwo nɔnɔmɛ nywiwoɔ?

Yehowa sɔ yi susu ɖonɔ mìwo nɔnɔmɛ nywiwo ji. Hlɛn 2 Kronika 16:9a, keŋ agbeje nyɔbiɔse cɛ mɛ:

• Ci ènya mɔ Yehowa sɔ yi susu ɖonɔ ao nɔnɔmɛ nywiwo ji ɖe, lé ewa nɔ eoɔ?

ENU CI ÈKPLA

Nɔ èsɔ nu kenɔ amɛ yí lɔnnɔ nɔvioŋsu koɖo nɔvionyɔnuwoɔ, edasɛ mɔ èwakɔ enu ciwo yí ana hamɛ lɔ akpɔtɔ awa ɖeka.

Enumɛtoto

• Lé àwɛ aɖu susu masɔgbe ɖoɖo do mɛbuwo nu jiɔ?

• Nyi àwa nɔ manyimanyi ɖe ɖo eo koɖo ao kpena Kristotɔ ɖe gblamɛɔ?

• Èji mɔ yeasran Yehowa keŋ asɔ nu kenɔ mɛbuwoa? Nyi yí taɖoɔ?

KPƆ ŊCƐWO KPƆ

Kpɔ lé Yesu labalu ɖeka atɛnŋ akpedo mì nu mìami hwɛ dodo mɛbuwo ɖa.

Ðe acikpu lɔ si (6:56)

Eʒan mɔ mìaɖe kuku nɔ mìkpɔɛ mɔ mìdewa afɛn ɖekɛ can a?

“Kukuɖeɖe—Enyi emɔ nywitɔ ci ji woato awa fafa” (Jutakpɔxɔ, 1^er novembre 2002)

Kpɔ lé mɛɖewo vakpla lé ­wodatra amɛ mɛ do.

Ŋgbesɔ Lé Amɛwo Le Le Agogbe Do Hwɛ Wo O (5:06)

Kpɔ lé àwɛ akpɔ cukaɖa ɖe ci yí le eo koɖo mɛɖe gblamɛ gbɔ nɔ ŋgbevadahɛn fafa ci yí le hamɛ lɔ mɛ o.

“Míkpɔ manyimanyiwo gbɔ le lɔnlɔn mɛ” (Jutakpɔxɔ, mai 2016)