Ðui akpenɔdo amowo nu nɔ woanyi Yesu dokplɔtɔwo

Lé Yesu Wɛ Do

VIDEO: Yesu Kplakɔ Nu Nikodɛmu

1. Kpɔ VIDEO lɔ, alo hlɛn Ʒan 3:​1, 2. Le yi goduɔ, gbeje nyɔbiɔse ciwo yí gbɔgbɔ mɛ:

1. Nyi yí taɖo enyi zanmɛ yí Nikodɛmu ji mɔ yeavayi yɔ Yesu kpɔɔ?—Kpɔ Ʒan 12:​42, 43.

2. Lé egododo koɖo Nikodɛmu le zanmɛ, dasɛ mɔ Yesu ɖui mɔ yeaɖo nukplaviwoɔ?

Lé Mìasran Yesu Kpɔwɛ Lɔ Doɔ?

2. Ci mìlɔn amowoɔ, eyi taɖo mìɖui mɔ mìakpenɔdo wo nu nɔ woatrɔ Yesu dokplɔtɔwo.

Sran Yesu

3. Kplanɔ Bibla koɖo ao nukplavi le texwe koɖo hwecinu yí nyɔ ni. Nukplavi lɔ tɛnŋ ji mɔ yewoakplanɔ nu lɔ le azan ɖe koɖo gaxoxo ɖe koŋ ji le kwɛshila lɔ mɛ. Finni yí enukplakpla lɔ anɔ yí avo le yiɖeki mɛ sɔwuɔ, yi dɔwaxua, yi xwe mɛa alo jugbaja tɔxu ɖe? Nɔ anya wawaɔ, trɔ ao toto nɔ asɔ koɖo eʒan yitɔwo.

4. Enukplakpla lɔ ŋgbesunnɔ aɖu o. Nɔ èjikɔ axɔ mɔɔ, te kpɔ nɔ enukplakpla lɔ anyi wawa. Bu tamɛ kpɔ so nyɔbiɔse cɛwo nu:

1. Àtɛnŋ awa nukplakpla lɔ le gabumɛ le kwɛshila ŋtɔ́ lɔ mɛa?

2. Àtɛnŋ awa nukplakpla lɔ to telefonu alo videokacaca jia?

3. Àtɛnŋ anu nɔ eŋɛnywidratɔ bu mɔ yɛ le wɛa?

5. Donɔ gbe ɖaɖa keŋ aɖo susu nywi do ao nukplavi nu. Biɔ Yehowa nɔ akpedo eo nu nɔ ŋgbena ta le ao nukplavi gbɔ yiyi mɛ o, nɔ egbɔnkɔnu ni mɔ nukplakpla lɔ ayi ji gashiagamɛ alo nɔ deɖeblɛ yí wawa do enu ciwo ekplakɔ ji can. (Fili. 2:13) Kankandoji li mɔ ao nukplavi lɔ ɖo nɔnɔmɛ nywi sugbɔwo; do gbe ɖaɖa keŋ nɔ ao susu anɔ wo ji.