Lé Mìawɛ Aɖonɔ Ŋwi Mawunyɔkpukpuiwo

Egbɔnnɔnu nɔ eo mɔ aɖonɔ ŋwi mawunyɔkpukpui ɖe ci yí jɔnɔ ji nɔ eoa? Étɛnŋ nyi mawunyɔkpukpui ci yí fanɔ akɔn nɔ eo, ci yí kpenɔdo eo nu yí eɖunɔ susu dɔndɔnwo ji, alo ci yí aji mɔ yeazan asɔ kpedo mɛɖe nu. (Eha 119:​11, 111) Nukplamu ɖewo ciwo yí atɛnŋ akpedo eo nu naɖonɔ ŋwi mawunyɔkpukpuiwo ke.

• Zan akpaxwe ci wosɔnɔ enyɔ veviwo danɔ do le JW Library^® dɔwanu lɔ mɛ. Nɔ èhlɛnkɔ Bibla le Jw Library dɔwanu lɔ ji yí èji mɔ yeaɖo ŋwi mawunyɔkpukpui ɖeɔ, ŋwlɛ “Anyi mawunyɔkpukpui veviwo,” do fini wosɔnɔ enyɔ veviwo danɔ do le Jw Library ji keŋ asɔnɔ mawunyɔkpukpui vevi aotɔwo donɔ enɔ.

• Sɔnɔ mawunyɔkpukpuiwo do fini atɛnŋ akpɔɛ le. Ŋwlɛ kpukpui ciwo yí èji mɔ yeaɖo ŋwi do wema hwɛhwɛ ɖeka ji yí asɔɛ do fini èji mɔ yeakpɔnɔ wo le blaŋblaŋ. Mɛɖewo sɔ trenɔ do weni wowotɔ ji yí mɛbuwo sɔ trenɔ do wowo frigo hɔn nu. Mɛɖewo sonɔ foto mawunyɔkpukpui lɔ keŋ sɔnɔ foto lɔ ɖonɔ ŋmɛ nɔ wowo telefonu alo wowo ɔrdinatɛ.

• Wa wemavi kpocui ɖeka yí azinni. Ŋwlɛ Bibla wema, eta lɔ koɖo kpukpui lɔ do akpaxwe ŋkɔtɔ nɔ wemavi kpocui lɔ yí aŋwlɛ mawunyɔkpukpui lɔ ŋtɔ do akpaxwe amɛvetɔ lɔ nɔ wemavi kpocui lɔ. Le yi goduɔ, nɔ èkpɔkɔ akpaxwe ŋkɔtɔ lɔɔ, tekpɔ mɔ yeteɛnŋ anu nyɔgbe ciwo pleŋ yí le mawunyɔkpukpui lɔ mɛ ma alo nɔ nyi akpaxwe amɛvetɔ lɔ yɔɔ, tekpɔ mɔ yeatɛnŋ aɖo ŋwi fini mawunyɔkpukpui lɔ le le Bibla mɛ ma.