Ano ro Ginaobra sa Sanga Taeatapan?

Ro miembro it pamilya Bethel hay nagaobra sa eain-eain nga departamento, agud dumaeahan ro pagwali nga hilikuton sa sangka nasyon o sa sobra pa. Nagaobra sanda sa translation, gaimprinta it mga baeasahon, mga libro, nagatago it mga literatura, nagaobra sa audio/video nga nagarekord, ag nagadipara sa tanan nga nagakinahang-ean nga mga lugar.

Nagapanguna ro Komite it Sanga sa mga ueobrahon. Nagasalig ro Nagadumaea nga Hubon sa pagdumaea sa kada sanga taeatapan it Komite it Sanga ag may una ra tatlo o sobra pa nga kwalipikado nga mga elder. Ginasugid nanda sa Nagadumaea nga Hubon ro mga problema ag mga pag-uswag sa lugar nga andang ginadumaeahan. Nagabulig ra sa Nagadumaea nga Hubon nga makaobra it mga tupiko nga tun-an sa masunod nga mga publikasyon sa mga miting ag asembliya. Ro Nagadumaea nga Hubon nagapadaea it nagarepresentar kanda agud mabisita ro kada sanga ag magtao it eaygay sa mga Komite it Sanga. (Hulubaton 11:14) May espesyal nga programa eakip eon ro pamulongpulong halin sa nagarepresentar it ueong taeatapan nga makapabakod sa mga sakop ku teritoryo it sanga.

Ginasuportahan ro mga kongregasyon. Ro ginaporma nga bag-ong kongregasyon hay ginaaprobahan it sanga taeatapan. Sanda man ro nagadumaea sa mga hilikuton it mga payunir, misyonero, ag mga manogtatap it sirkito nga sakop it sanga. Ginaorganisa man nanda ro mga asembliya, bag-ong obra nga mga Kingdom Hall ag ginasiguro gid nga mapadaea ro mga literatura sa mga kongregasyon. Duyon tanan nga ueobrahon it sanga hay nagasuporta nga magmadinaeag-on ro pagwali nga hilikuton. —1 Corinto 14:33, 40.

• Paano nagabulig ro Komite it Sanga sa Nagadumaea nga Hubon?

• Ano ro mga ginaobra sa sanga taeatapan?