Ham-an may mga Kingdom Hall ag Paano Raya Ginaobra?

Ro ngaean nga Kingdom Hall, hay nagapokus sa ginaturo it Biblia parti sa Ginharian it Dyos—raya ro tema it pagministeryo ni Jesus.—Lucas 8:1.

Sentro raya it pagsimba sa kada lugar. Ginaorganisa iya ro pagwali it mayad nga balita ku Ginharian. (Mateo 24:14) Eain-eain ro kabahoeon ag korti it mga Kingdom Hall, pero simple raya tanan. Daywa o sobra pa nga kongregasyon ro nagagamit kara. Ku nagtaliwan nga mga dag-on, nakapatindog kami it linibo ka bag-o nga Kingdom Hall (lima kada adlaw) agud makadungan sa pag-abu it mga kongregasyon. Paano raya nangin posible?—Mateo 19:26.

Napatindog raya paagi sa mga natipon nga donasyon. Ro mga donasyon ginapadaea namon sa sanga taeatapan agud itao sa mga kongregasyon nga gapatindog o gapakay-ad it mga Kingdom Hall.

Ginpatindog it owa’t sweldo nga mga boluntaryo nga may nagkaeain-eain nga kahimtangan sa kabuhi. Sa abu nga lugar, ginaorganisa ro Kingdom Hall Construction Groups. Raya nga mga grupo it boluntaryo nagasaylo-saylo sa mga kongregasyon sa iba nga lugar, bisan pa sa maeayo, agud magbulig sa lokal nga kongregasyon sa pagpatindog it andang mga Kingdom Hall. Sa iba nga lugar may kwalipikado nga mga Saksi nga nagabulig sa pagkay-ad ag pagpatindog it mga Kingdom Hall sa sangka rehiyon. Bisan pa ro iba hay halin sa ibang lugar nga may abilidad sa pagpatindog, pero kaeabanan sa mga boluntaryo hay mga igmanghod halin sa lokal nga mga kongregasyon. Paagi sa bulig ni Jehova ag sa tinagipusuon nga pagpangabudlay nangin posible raya tanan.—Salmo 127:1; Colosas 3:23.

• Ham-an gintawag nga Kingdom Hall ro amon lugar it pagsimba?

• Ham-an nakapatindog kami it mga Kingdom Hall sa bilog nga kalibutan?