Maobra Mo Baea ro Kabubut-on ni Jehova?

Saeamat gid sa pagtuon it rayang brosyur para makilaea ro mga Saksi ni Jehova, masayran ro among mga ueobrahon, ag makita kung paano gahueag ro among organisasyon. Gasalig kami nga makabulig raya kimo agud masayran nga kami ro nagaobra it kabubut-on ni Jehova. Ginapalig-on ka namon nga magpadayon sa pagbuoe it kaaeam nahanungod sa Dyos, ag isugid raya sa imong pamilya ag imong mga amigo, padayon nga makig-iba sa among Cristianong mga miting.—Hebreo 10:23-25.

Sa pag-abu it imong natun-an parti kay Jehova, mabatyagan mo gid nga palangga ka nana. Mapahueag ka kara nga magpakita man it pagpalangga kana. (1 Juan 4:8-10, 19) Paano mo ra mapakita sa kada adlaw mo nga pagkabuhi? Ham-an makatao kimo it kamaeayran ro pagsunod sa mataas nga pagsueondan sa moral? Ano ro makabulig kimo nga mangin kaibahan namon sa pag-obra it kabubut-on it Dyos? Ro nagaturo kimo it Biblia hay makabulig agud masayran mo ro sabat para ikaw ag ro imong pamilya hay matipigan “ro inyong kaugalingon sa gugma it Dyos, . . . magatao kinyo it kabuhi nga owa it katapusan.”—Judas 21.

Ginakangay ka namon nga magpadayon sa pag-uswag sa daean it kamatuoran paagi sa pagtuon it rayang publikasyon, Magpabilin Kamo sa Gugma Sang Dios.