Ano ro Makita sa Amon nga Website?

Naghambae si Jesus sa anang mga sumueonod: “Dapat ninyong pasigahon ro inyong kahayag sa atubangan it mga tawo agud makita nanda ro inyong mayad nga mga binuhatan, ag magadayaw sanda sa inyong Ama nga una sa eangit.” (Mateo 5:16) Agud maobra ruyon, naggamit kami it mga moderno nga teknolohiya kapareho it Internet. Ro jw.org, hay opisyal nga Website it mga Saksi ni Jehova. Ag iya makabuoe it mga impormasyon parti sa amon mga ueobrahon ag pagpati. Ano ro makita iya?

Nagasabat sa kaeabanan nga mga pangutana. Makausoy it sabat sa importante nga mga pangutana it mga tawo. Halimbawa, ro tracts nga Matapos pa Baea ro Pag-antos? ag Mabuhi pa Baea it Uman ro mga Patay? hay mabasa online sa sobra 600 ka linggwahe. Makita man ro New World Translation sa sobra 130 ka linggwahe ag pila ka bulig sa pagtuon it Biblia, pati ro libro nga Ano gid ang ginatudlo sang Biblia? Eakip kara ro mga bag-ong isyu it Ang Lalantawan ag Magmata! Abu pa nga publikasyon ro imong mabasa o mapamatian online o i-download sa format nga MP3, PDF, o EPUB. Pwede mo man i-print ag ipabasa sa interesado nga mga tawo sa andang linggwahe. May una man mga video para sa sign language. Maka-download ka man it audio drama sa pagbasa it Biblia, drama sa Biblia, ag manami nga mga kanta.

Masaligan nga impormasyon parti sa mga Saksi ni Jehova. Makita man kara ro mga bag-o nga mga video clip parti sa bilog kalibutan nga ueobrahon, mga natabo sa mga Saksi ni Jehova, ag amon mga pagbulig sa mga naagyan it kalamidad. Makita mo man kara ro iskedyul it nagahieapit namon nga kunbensyon ag impormasyon parti sa amon sanga taeatapan.

Paagi kara, ginapasiga ro kahayag it kamatuoran hasta sa pinakamaeayo nga parte it kalibutan. Nakabenipisyo man ro mga tawo sa kada kontinente kaibahan eon ro Antartica. Ginapangamuyo namon “nga ro bisaea ni Jehova magpadayon sa pag-eapnaag” sa bilog nga kalibutan, nga nagapadungog sa Dyos.—2 Tesalonica 3:1, NW.

• Paano makabulig ro Website nga jw.org sa abu nga mga tawo agud masayran ro kamatuoran sa Biblia?

• Ano ro gusto mo masayran sa amon Website?