Ano ro Biblia Para Kimo?
Mahambae mo baea nga . . .
sinueatan it tawo?
istorya o sugid eang?
Bisaea it Dyos?
ANO RO GINAHAMBAE IT BIBLIA
“Ro bilog nga Kasueatan ginbugna it Dyos.”—2 Timoteo 3:16, Ro Bag-o nga Kasugtanan—Ku Baeaan nga Biblia.
ANO RAYA PARA KIMO
Manami nga sabat sa importante nga pangutana it kabuhi.—Hulubaton 2:1-5, NW.
Masaligan nga pagturo sa atong pagkabuhi.—Salmo 119:105, NW.
Matuod nga pag-eaom sa paeaabuton.—Roma 15:4.
MAPATIHAN GID BAEA NATON RO BIBLIA?
Huo, sa tatlo ka rason:
Makangawa-ngawa nga nagkaeasugot. Ro pag sueat it Biblia sa 1,600 ka dag-on it 40 ka tawo. Bisan pa owa sanda nagkilita. Pero, ro pagsueat it Biblia hay nagahisanto, ag may una ra panguna nga punto.
May matuod nga kasaysayan. Ro maaeam nga mga istoryador hay nagatago it andang pagkapirdi pati ku andang sinakupan. Pero, ro mga nagsueat it Biblia hay nagrekord it andang kapirdihan kaibahan ku andang nasyon.—2 Cronica 36:15, 16, NW; Salmo 51:1-4, NW.
Masaligan nga tagna. Ro Biblia hay nagtagna it abanse mga 200 ka dag-on nga malaglag ro Babilonya. (Isaias 13:17-22, NW) Owa eang raya nagsugid it pagkaguba it Babilonya kundi ginbutang man iya ro mga ngaean it mga nakapirdi kanda!—Isaias 45:1-3, NW.
Abu nga gintagna sa Biblia ro nagkaeatuman hasta sa pinakamaisot nga hitabo. Pero, ruyon eang baea ro aton maeauman sa Bisaea it Dyos?—2 Pedro 1:21.
ISIPA RA
Paano ro Bisaea it Dyos makabulig sa imong kabuhi?
Ro Biblia may sabat sa ruyong pangutana sa ISAIAS 48:17, 18 ag 2 TIMOTEO 3:16, 17.