Kon Paano Naorganisar ro Kongregasyon

Si Jehova hay organisado nga Dyos. (1 Corinto 14:33) Ngani, mapaabot naton nga ro anang katawhan hay organisado man. Paano naorganisar ro Cristyanong kongregasyon? Paano kita makabulig agud mangin organisado ro kongregasyon?

1. Sin-o ro ueo it kongregasyon?

“Si Cristo ro ueo ku simbahan [o, kongregasyon, NWT].” (Efeso 5:23) Halin sa eangit, ginaorganisar na ro mga ueobrahon it katawhan ni Jehova sa bilog nga kalibutan. Nagpili si Jesus it “masaligan ag maaeam nga sueoguon”—sangka maisot nga grupo it eksperyensyado nga mga elder nga ginatawag man nga Nagadumaea nga Grupo. (Basaha ro Mateo 24:45-47.) Pareho sa mga apostoles ag mga elder sa Jerusalem ku unang siglo, nagatao man ro Nagadumaea nga Grupo it mga instruksyon sa kongregasyon sa bilog nga kalibutan. (Binuhatan 15:2) Pero buko’t sanda ro lider it among organisasyon. Nagasalig sanda sa paggiya ni Jehova ag sa anang Bisaea, ag nagapasakop sanda sa pagdumaea ni Jesus.

2. Ano ro ueobrahon it mga elder?

Ro mga elder hay matutom nga mga Cristyanong eaki nga mabuhay eon nga nagaalagad kay Jehova. Ginatur-an nanda ro katawhan ni Jehova gamit ro Biblia, ginabuligan ag ginapalig-on sanda. Owa sanda ginaswelduhan. Nagaserbisyo sanda it kinabubut-on base sa gusto it Dyos, “bukon it tungod ku suhoe, kundi tungod may matuod [sanda] nga handom sa pagserbi.” (1 Pedro 5:1, 2) Ginabuligan it mga ministeryal nga alagad ro mga elder, ag kon kwalipikado eon sanda pwede eon sanda mangin elder.

Ro Nagadumaea nga Grupo ro nagapili it mga elder nga pwede mangin manogdipara it sirkito. Nagabisita sanda sa mga kongregasyon agud magtao it giya ag pagpalig-on. Sanda ro nagapili it mga elder ag ministeryal nga alagad nga nakaabot sa kwalipikasyon nga ginahambae it Biblia.—1 Timoteo 3:1-10, 12; Tito 1:5-9.

3. Ano ro ueobrahon it kada Saksi?

Ro tanan sa kongregasyon hay “nagadayaw sa ngaean ni Jehova” paagi sa pagpartisipar sa mga miting sa kongregasyon ag sa pag-preaching depende sa andang makaya.—Basaha ro Salmo 148:12, 13.

TUN-I PA GID

4. Mabuot nga lider si Jesus

May manami nga imbitasyon katon si Jesus. Basaha ro Mateo 11:28-30, ag talakaya rayon rayang pangutana:

• Ano nga klasi it lider si Jesus, ag ano ro gusto na nga mabatyagan naton?

VIDEO: Nagbulig ro mga Elder Kat Naglinog sa Nepal (4:56)

Ginaturo it Biblia kon paano dapat obrahon it mga elder ro andang obligasyon.

Basaha ro Isaias 32:2 ag 1 Pedro 5:1-3, ag talakaya rayon rayang mga pangutana:

• Ano ing nabatyagan tungod mabuot ro mga elder kapareho ni Jesus?

• Ano pa ro mga paagi nga matuead it mga elder si Jesus?

5. Nagaturo ro mga elder paagi sa andang halimbawa

VIDEO: Nagapanguna ro mga Elder! (7:39)

Ginturo ni Jesus ro dapat obrahon it mga nagapanguna sa kongregasyon. Basaha ro Mateo 23:8-12, ag talakaya rayon rayang mga pangutana:

• Ano ro ginahambae it Biblia nga dapat obrahon ku mga elder? Kon kimo, ginaobra baea ron ku mga lider it relihiyon?

1. Ginapabakud ku mga elder ro relasyon nanda ag ku andang pamilya kay Jehova

2. Ginadipara ku mga elder ro tanan sa kongregasyon

3. Regular nga naga-preaching ro mga elder

4. Nagaturo ro mga elder. Nagabulig man sanda sa pagpanglimpyo ag sa ibang mga ueobrahon

6. Nagakooperar kita sa mga elder

Ginahambae it Biblia nga dapat kita magkooperar sa mga elder. Basaha ro Hebreo 13:17, ag talakaya rayon rayang mga pangutana:

• Ham-an ginahambae it Biblia nga dapat kita magtuman ag magpasakop sa mga nagapanguna? Ham-an ruyon ing sabat?

Basaha ro Lucas 16:10, ag talakaya rayon rayang pangutana:

• Ham-an dapat kita magtuman sa mga elder maskin sa maisot nga mga bagay?

SUMARYO

Si Jesus ro ueo it kongregasyon. Masadya kita nga nagakooperar sa mga elder nga ginadumaeahan na. Mabuot sanda ag nagapakita katon it mayad nga halimbawa.

Review

• Sin-o ro ueo it kongregasyon?

• Paano ginabuligan it mga elder ro kongregasyon?

• Ano ro ueobrahon it mga nagasimba kay Jehova?

SAYURA

Tan-awa ro pamatuod nga nabaeaka gid ro Nagadumaea nga Grupo ag ro ibang mga elder sa mga Cristyano makaron.

Ginapabakud ro mga Igmanghod sa Panahon it Pagbawae (4:22)

Sayura ro ueobrahon it mga manogdipara it sirkito.

Ro Kabuhi it Sangka Manogdipara it Sirkito sa Baryo (4:51)

Basaha ro importante nga papel it mga bayi sa kongregasyon.

“Ang mga Saksi ni Jehova Bala May Babayi nga mga Ministro?” (Ang Lalantawan, Septiembre 1, 2012)

Sayura ro mga pagtinguha ku mga elder agud palig-unon ro andang isigka-tumoeuo.

“Cristianong mga Gulang—‘Masigkamanugpangabudlay Para sa Aton Kalipay’” (Ang Lalantawan, Enero 15, 2013)