Imadyina ro mga Istorya sa Biblia

Ro Biblia hay nagasugid it matuod nga mga hitabo kato nga nagaturo it importante nga mga leksyon. Kon imadyinon naton ro mga istorya kara, mas maintindihan naton ro atong ginabasa ag mas makabenepisyo kita kara. Raya ro mga pwede mong obrahon nga makabulig kimo agud maimadyin ro mga istorya sa Biblia.

• Basaha it mabaskog. Ro pagbasa it Biblia sa mabaskog nga paagi hay makabulig kimo nga maimadyin it mayad ro mga nagakatabo. Kon ginabasa mo ro Biblia kaibahan ku ing pamilya, pwede mong iasayn kanda ro mga karakter agud mangin mas buhi ra.

• Imadyina ro mga nagakatabo. Tinguhai nga maintindihan kon ano ro ginaisip ag ginabatyag it mga karakter. Halimbawa, pangutan-a ing sarili: ‘Ham-an ginhambae o gin-obra na ra? Ano baea ang isipon o batyagon kon ako ro sa anang sitwasyon?’

• I-drawing ra. Ro pag-drawing sa mga nagakatabo hay makabulig kimo nga mas maimadyin ag madumdoman ro mga istorya, maskin pa bukon ka it mayad mag-drawing.