Nagapamati Baea si Jehova Katon?

Ginapamatian gid it Dyos ro atong mga pangamuyo. 1 Pedro 3:12

Si Jehova ro “Manugpamati it pangamuyo.” (Salmo 65:2) Gusto na nga mangamuyo kita kana it hanuot nga halin sa atong tagipusuon.

Si Jehova eang ro pangamuyuan ag owa eon it iba pa.

Abu nga mga butang ro pwede naton ipangamuyo. 1 Juan 5:14

Ipangamuyo nga ro kabubut-on it Dyos hay matuman sa eangit ag sa eugta.

Mangayo it bulig kay Jehova nga maobra mo ro mayad. Pwede man kita kapangamuyo parti sa atong pagkaon, trabaho, ilistaran, pangbisti, ag mayad nga pang-eawas.

Magpangamuyo paagi sa pangaean ni Jesus agod mapakita mo ro pagpabalor sa anang gin-obra para kimo.