LEKSYON 02
Nagatao it Pag-eaum ro Biblia
Ro mga tawo sa bilog nga kalibutan may mga problema nga nagatao kanda it kasubo, kabaeaka, ag kasakit. Nabatyagan mo man baea ruyon? Basi nagakalisud ka tungod sa baeatian o pagkamatay it imong pinalangga sa kabuhi. Basi mangutana ka, ‘Mangin manami pa baea ro akong kabuhi?’ May manami nga sabat ro Biblia.
1. Paano nagatao it pag-eaum ro Biblia?
Owa eang nagasugid ro Biblia kon ham-an puno it problema ro kalibutan kundi may manami raya nga balita nga tanan nga problema hay temporaryo eang ag maeapit eon maduea. Ro mga promisa it Biblia hay nagatao katon it “owa’t katapusan nga kalipay ag mayad nga pag-eaum.” (Basaha ro 2 Tesalonica 2:16.) Rayang mga promisa magabulig katon nga makaya ro atong mga problema, mangin positibo, ag mangin masadya sa owa’t katapusan.
2. Ano nga klasi it paeaabuton ro ginasugid it Biblia?
Ginasugid it Biblia nga sa paeaabuton “owa eon it kamatayon, kasubo, pagtangis, ukon kasakit.” (Basaha ro Pahayag 21:4.) Ro mga problema nga makaduea it atong pag-eaum makaron hay ro kapobrehon, inhustisya, baeatian, ag kamatayon. Maduea eon raya tanan. Nagpromisa ro Biblia nga ro mga tawo hay mangin masadya sa owa’t katapusan sa Paraiso nga eugta.
3. Paano ka makasalig sa pag-eaum nga ginatao it Biblia?
Abu nga mga tawo ro nagaeaum nga may manami nga matabo, pero bukon sanda it sigurado kon matabo gid man baea ruyon. Pero eain ro mga promisa it Biblia. Masaligan naton raya kon ‘ginausisa naton adlaw-adlaw ro mga Kasueatan.’ (Binuhatan 17:11) Kon ginatun-an mo ro Biblia, masayran mo nga matuod ro ginahambae kara parti sa paeaabuton.
TUN-I PA GID
Tun-i ro mga promisa it Biblia nga matabo sa paeaabuton. Tan-awa kon paano makabulig rayang pag-eaum sa mga tawo makaron.
4. Nagatao it pag-eaum ro Biblia nga mabuhi kita sa owa’t katapusan nga owa eon it problema
Tan-awa ro mga promisa sa Biblia nga makita sa idaeum. Siin kara ro nailaan mo gid? Ham-an?
Basaha ro mga teksto sa kada promisa ag talakaya rayang mga pangutana:
Makatao baea it pag-eaum rayang mga teksto kimo? Makatao man baea raya it pag-eaum sa imong pamilya ag mga amigo?
Imadyina nga nagaestar ka sa kalibutan nga
OWA EON IT . . . |
RO TANAN HAY . . . |
|---|---|
|
|
|
|
|
|
|
|
|
|
5. Makabulig ro mga promisa it Biblia
Abu nga tawo ro naeuyahan it buot o naakig tungod sa mga problema nga andang nakita sa palibot. Ginatinguhaan it iba nga mag-obra it mga pagbag-o. Tan-awa kon paano makabulig ro mga promisa it Biblia sa mga tawo makaron. Tan-awa ro VIDEO, ag talakaya rayon rayang mga pangutana.
Sa video, ano ro buko’t patas nga pagtratar nga nakita ni Rafika?
Maskin owa naduea ro inhustisya, paano imaw nabuligan it Biblia?
Kon nagasalig ka sa mga promisa it Biblia, mabuligan ka kara nga mangin masadya maskin may mga problema. Basaha ro Hulubaton 17:22 ag Roma 12:12, ag talakaya rayon rayang mga pangutana:
Kon magpati ka parti sa mga promisa it Biblia sa paeaabuton mapanami baea kara ro imong kabuhi makaron? Ham-an?
KON MAY MAGHAMBAE: “Mabudlay man patihan ro mga promisa it Biblia.”
Ham-an importante nga tun-an mo mismo ro mga pamatuod nga ginahambae it Biblia?
SUMARYO
Abu nga mga promisa ro Biblia parti sa masadya nga paeaabuton. Nagatao raya katon it pag-eaum ag masadya nga kabuhi makaron.
Review
Ham-an kinahang-ean it mga tawo ro pag-eaum?
Ano ro ginahambae it Biblia parti sa paeaabuton?
Paano ro pag-eaum sa paeaabuton makabulig kimo makaron?
SAYURA
Tun-i pa gid kon paano ka mabuligan it pag-eaum kon may problema ka.
Tun-i kon paano makabulig ro pag-eaum sa paeaabuton para sa may malala nga sakit.
“Makabulig Baea ro Biblia Kon May Malala Ako nga Sakit?” (Artikulo sa website)
Habang nagatan-aw ka it music video ngara, isipa nga igto ka ag ro imong pamilya sa ginpromisa it Biblia nga Paraiso.
Basaha kon paano nagbag-o ro kabuhi it sangka aktibista kat hatun-an na sa Biblia ro pag-eaum sa paeaabuton.
“Indi Ko Eon Kinahang-ean nga Bag-uhon Pa ro Kalibutan” (The Watchtower, July 1, 2013)