Mga Benepisyo Kon Gamiton Mo ro mga Marginal Reference

Ginapakita it mga marginal reference sa Bag-ong Kalibutan nga Badbad sang Balaan nga Kasulatan kon paalin nagasinanto ro Biblia paagi sa mga teksto nga nagatao it dugang nga mga detalye. Para makita ro mga marginal reference, usuya ro maisot nga letra nga kasunod it termino. Sa naimprenta nga mga Biblia, usuya ro pareho nga letra sa tunga o sa kilid nga parte para makita ro naangot nga mga teksto. Sa jw.org o sa JW Library^® app, pinduta ro letra kasunod it termino para makita mo ro mga teksto nga naangot kara.

Daehon ka it mga marginal reference sa mga masunod ag sa iba pa:

Pareho nga hitabo: Daehon ka it rayang reperensya sa ibang teksto sa Biblia nga may pareho nga hitabo. Halimbawa, tan-awa ro 2 Samuel 24:1 ag ro 1 Cronica 21:1.

Ginkutar nga mga termino: Daehon ka it rayang reperensya kon siin naghalin ro ginkutar nga mga termino. Halimbawa, tan-awa ro Mateo 4:4 ag ro Deuteronomio 8:3.

Natuman nga hula: Daehon ka it rayang reperensya sa sangka hula ag sa anang katumanan kara. Halimbawa, tan-awa ro Mateo 21:5 ag ro Zacarias 9:9.