Ogì-bizindawàwàn Satanan​—Ànìn dash Kà-ijiseg?

Adam ashidj Eve ogì-ànwetawàwàn Kije-Manidòn kì-nibog dash. Genesis 3:6, 23

Eve ogì-bizindawàn kinebigon ashidj ogì-amwàn wiyagiminan kà-onzikàdj awaswa mitig. Ishkwàyàdj Adaman ogì-mìnàn. Adam dash ogì-amwàn.

Kàwin dash kwayak kì-dòdàzìk​—kì-bàtàdowag. Kije-Manidò ogì-ijìyàn kidji-nagadamonidj ìye odabinàsiwà ìndaje kà-gichi-gwenàdjiwang kitigàn.

Pimàdiziwin dash kì-ànimad ondje wìnawà ashidj odabinòdjìnjishimiwàn. Kì-gawigikàg ashidj kì-nibog. Kàwin ningodijì kì-iji-màdjìsìg manidò-akìng; mì igodj kà-iji-ishkwà-daniziwàdj.

Kà-nibodjig maya igodj pingwì egà kà-bimàdizimagak. Genesis 3:19

Kinibomin dash kakina mega kidondjibàmin Adam ashidj Eve. Kà-nibodjig kàwin kegò gashkitòsìg kidji-wàbandamowàdj, ashidj kidji-nòndamowàdj, ashidj kàwin kegò gashkitòsìg kidji-dòdamowàdj.​—Ecclesiastes 9:5, 10.

Jehovah kàwin ogì-nandawenimàsìn pemàdizinidjin kidji-nibonidj. Wìbadj ogad-amadinàn onòn kà-nibonidjin. Kìshpin dash pizindawàwàdj, kada-gàgige-bimàdizig.