Матфейдиҥ сӱӱнчилӱ јары
1 Авраамныҥ уулынаҥ, Давидтеҥ, чыккан Иисус Христостыҥ* јӱрӱми* керегинде бичик.
2 Авраамнаҥ Исаак чыккан,
Исаактаҥ — Иаков,
Иаковтоҥ — Иуда ла ӧскӧ дӧ уулдары чыккан,
3 Иуданаҥ, Фама́рь деп ӱй кижинеҥ Фаре́с ле Зера́х чыккан,
Фарестеҥ — Хецро́н,
Хецронноҥ — Рам,
4 Рамнаҥ — Аминада́в,
Аминадавтаҥ — Нахшо́н,
Нахшонноҥ — Салмо́н,
5 Салмонноҥ, Раа́в деп ӱйинеҥ Боа́з чыккан,
Боазтаҥ, Руфь деп ӱйинеҥ — Ове́д,
Оведтеҥ — Иессе́й,
6 Иессейдеҥ — Давид каан.
Давидтеҥ, У́рияныҥ ӱйинеҥ Соломон,
7 Соломонноҥ — Ровоа́м,
Ровоамнаҥ — А́вия,
А́виянаҥ — А́са,
8 А́санаҥ — Иосафа́т,
Иосафаттаҥ — Иора́м,
Иорамнаҥ — У́ззия,
9 У́ззиянаҥ — Иофа́м,
Иофамнаҥ — Аха́з,
Ахазтаҥ — Езеки́я,
10 Езеки́янаҥ — Мана́ссия,
Мана́ссиянаҥ — Амо́н,
Амонноҥ — Ио́сия.
11 Ио́сиянаҥ — Иехо́ния ла ӧскӧ дӧ уулдары чыккан. Ол ӧйдӧ Израиль албаты Вавилон дӧӧн кӧчӱрилген.
12 Вавилон дӧӧн кӧчӱрилгениниҥ кийнинде Иехо́ниянаҥ — Шеалтиэ́л чыккан,
Шеалтиэлдеҥ — Зорова́вель,
13 Зорова́вельдеҥ — Авиу́д,
Авиудтаҥ — Элиаки́м,
Элиакимнеҥ — Азо́р,
14 Азордоҥ — Цадо́к,
Цадоктоҥ — Ахи́м,
Ахимнеҥ — Элиу́д,
15 Элиудтаҥ — Элеаза́р,
Элеазардаҥ — Матфа́н,
Матфаннаҥ — Иаков,
16 Иаковтоҥ — Марияныҥ ӧбӧӧни, Иосиф чыккан. Мария — Христос деп адалып турган Иисустыҥ энези.
17 Айдарда, Авраамнаҥ ала Давидке јетире 14 ӱйе, Давидтеҥ ала Вавилон дӧӧн олјого баратан ӧйгӧ јетире — 14 ӱйе, Вавилондо олјодо болгон ӧйдӧҥ ала Христоско јетире — база 14 ӱйе.
18 Иисус Христостыҥ чыкканы мындый болгон: оныҥ энезин, Марияны, Иосифле кол алыштырып салган*. Је олор экӱ алышкалакта, Мария агару тын* ажыра табынып алган. 19 Оныҥ ӧбӧӧни Иосиф јакшы кижи болгон. Оныҥ учун Марияны уйатка тӱжӱрбеске, ол табыш јокко ло айрылыжып каларга сананган. 20 Ол анайып сананып турарда, тӱш јеринде ого Иегованыҥ* ангелы келип, мынайда айткан: «Давидтиҥ уулы, Иосиф, сен ӱйиҥди, Марияны, аларга коркыба. Нениҥ учун дезе ол агару тын ажыра табынып алган. 21 Мариянаҥ уул бала чыгар, сен оны Иисус* деп адап саларыҥ. Нениҥ учун дезе ол бойыныҥ албатызын кинчектеҥ јайымдаар». 22 Мынайып, Иегованыҥ судурчы ажыра айтканы бӱдӱп калды: 23 «Эр кижиле конбогон кыс, бала табынып, уул бала чыгарар. Оны Эммануи́л деп адагылаар». Бу — «Бисле кожо Кудай» дегени.
24 Иосиф ойгонып келеле, Иегованыҥ ангелыныҥ јакарганыла, Марияны айылына экелип алган. 25 Је ол, бала чыкпаганча, оныла кожо конбогон. Бала чыгарда, Иосиф оны Иисус деп адап салды.