Эске алынар Эҥирге сен белетенедиҥ бе?
Б. э. 33 јылында 13-чи нисанда, Иисус бойыныҥ кыйналып ӧлӧрине јетире бир ле эҥир арткан деп билер болгон, бу эҥирди Ол бойыныҥ јуук најыларыла ӧткӱрерге кӱӱнзеген. Ол калганчы Пасханы ӱренчиктериле кожо ӧткӱрерге ле јаҥы байрамды — Кайраканныҥ Ажын — кийдирерге белетенген. Мындый аҥылу туштажуга јакшы белетенер керек болгон. Оныҥ учун Ол, Петр ла Иоаннга белетеништи башкарзын деп јакылта берген (Лука 22:7—13). Ол ӧйдӧҥ ала, эске алынар Эҥирди ӧткӱрерге кӱӱнзеген христиандар кажы ла јыл белетенип јадылар (Лука 22:19). Кандык айдыҥ 3-чи кӱнинде болотон Эҥирге кандый белетениш керек?
Јарчылар канайып белетенгилейт:
Эҥирге кычыратан кампанияга толо туружарга албадангылайт.
Олор ӱренип тургандарды, тӧрӧӧн-тугаандарды, школдо кожо ӱренип тургандарды, кожо иштеп тургандарды анайда ок ӧскӧ дӧ таныш улустарды тисмеге бичип, Эҥирге кычырат.
Агару Бичиктеҥ, Эҥирди байрамдайтан ӧйгӧ берилген ӱзӱктерди кычырып, шӱӱп санангылайт.
Келген улусты уткыырга Эҥирге эртелеп келгилейт.