«Јӱрӱмис ле ижибис» деп иштиҥ тетрадиниҥ источниктери

© 2023 Watch Tower Bible and Tract Society of Pennsylvania

КӰЧӰРГЕН АЙ 6—12

КУДАЙДЫҤ СӦЗИНДЕГИ ЭРЈИНЕЛЕР | ИОВ 13, 14

Кӧгӱс кӱмӱштер бедирейдис

it-2-U 296, абз. 11

Кубал

Кубал кандый бир баа јок немениҥ сӱр-темдеги болгон. Темдектезе, Авраам Иеговала куучындажып тура, бойын «тоозын, кубал» деп айткан (Баш. 18:27; Иса 44:20; Иов 30:19 база кӧрӱгер). А Иов тӧгӱн токунадаачыларыныҥ сӧстӧрин кубалга тӱҥей деген (Иов 13:12).

КӰЧӰРГЕН АЙ 13—19

КУДАЙДЫҤ СӦЗИНДЕГИ ЭРЈИНЕЛЕР | ИОВ 15—17

Кӧгӱс кӱмӱштер бедирейдис

w06-U 15/3 14, абз. 11

Иов деп бичиктиҥ јилбилӱ шӱӱлтелери

7:9, 10; 10:21; 16:22 — Иовтыҥ сӧстӧринеҥ тирилишке бӱтпегени кӧрӱнет пе? Иов мында бойыныҥ удабас божойтон ӧйи керегинде айткан. Ол божоп калза, оныла кожо бир ӧйдӧ јаткан улустыҥ кемизи де оны кӧрбӧс деп айдарга сананган болор. Олордыҥ кӧрӱмиле болзо, Иов качан да айылына кайра јанбас ла Кудайдыҥ тургузып салган ӧйине јетире Иовты кем де билбес болор. Анайда ок Иов шеолдоҥ бойыныҥ кӱӱниле кем де кайра бурылбас деп айдарга сананган болор. Иовтыҥ тирилишке бӱткени Иов 14:13—15-теги сӧстӧрдӧҥ кӧрӱнет.

КӰЧӰРГЕН АЙ 20—26

КУДАЙДЫҤ СӦЗИНДЕГИ ЭРЈИНЕЛЕР | ИОВ 18, 19

Кӧгӱс кӱмӱштер бедирейдис

w94-U 1/10 32

Јакшы сӧстиҥ ийдези

Иовко токунал керек болордо, ол Элифазтаҥ да, најыларынаҥ да бир де јакшы сӧс укпаган. Олор оны јажытту кинчек эткен деп айдып, бу тӱбекте оныҥ бойын бурулаган (Иов 4:8). «Интерпретерс Байбл» деп бичикте мынайда айдылган: «Иовты акту јӱректеҥ килеер керек болгон. Оныҥ ордына ол јӱк ле кудай јаҥныҥ текши јарлу чындыктарын ла укааркап айтканын уккан». Иов Элифазтыҥ ла оныҥ најыларыныҥ сӧстӧрине ачынып, мынайда кыйгырган: «Канчазын мени куучын-эрмегерле шыраладып, кыйнаарыгар?» (Иов 19:2, Синодальный кӧчӱрме).

Бистиҥ сананбай айткан кату сӧстӧристеҥ Кудайдыҥ ишчизи ыйлазын деп кӱӱнзебей јадыс. (Јаҥды такыганы 24:15 тӱҥдештиригер.) Агару Бичикте айдылып калган: «Тил јӱрӱмге эмезе ӧлӱмге экелердеҥ айабас. Оныҥ учун сӧстӧрӧӧр неге экелерин сананып туругар» (Укаа сӧстӧр 18:21, «Эмдиги ӧйдиҥ кӧчӱрмези»).

КӰЧӰРГЕН АЙ 27 — ЈАҤАР АЙ 3

КУДАЙДЫҤ СӦЗИНДЕГИ ЭРЈИНЕЛЕР | ИОВ 20, 21

Кӧгӱс кӱмӱштер бедирейдис

w95-U 1/1 9, абз. 19

Сатананы ла оныҥ куурмакту санааларын јеҥип тур

¹⁹ Кудайдыҥ Иов деп ишчизине Сатананыҥ Елифаз ла Софар ажыра айдылган «шӱӱлтелериле [«санааркадатан шӱӱлтелериле», ЈТ]» тартыжарга келишкен (Иов 4:13—18; 20:2, 3). Иовко јаман санаалар келип турганынаҥ улам, оныҥ «ый-сыгыды [«кыйын-шыразы», Эмдиги ӧйдиҥ кӧчӱрмези]» ‘калапту’ куучынга кӧчӧ берген (Иов 6:2—4; 30:15, 16). Елиуй Иовты лаптап угала, айалгага сӱреен ойгор Иегова Кудайдыҥ кӧзиле кӧрӧргӧ болушкан. Анайып ла бӱгӱнги кӱнде аксагалдар кунугып јӱрген улусты јакшы оҥдоп, олорго оноҥ јаан «јӱк» салбай јат. Олор кунугып калган улусты Елиуй чылап лаптап угуп, Агару Бичиктиҥ болужыла токунадат (Иов 33:1—3, 7, «Танах», Д. Йосифон; Иаков 5:13—15). Айдарда, чыннаҥ эмезе сананып тапкан кӧксиндеги шырказынаҥ шыралап јӱрген ол эмезе Иов чылап ‘тӱштеринеҥ, кӧрӱлтелеринеҥ коркыган’ кандый ла кижи јуунда Агару Бичиктеҥ токунал алар аргалу (Иов 7:14; Иаков 4:7).

ЈАҤАР АЙ 4—10

КУДАЙДЫҤ СӦЗИНДЕГИ ЭРЈИНЕЛЕР | ИОВ 22—24

Кӧгӱс кӱмӱштер бедирейдис

w04-U 15/7 21—22

Сениҥ кӧгӱс амадуларыҥ Јайаачыны мактазын

Иегованыҥ Јер-телекейди јайаганын сананып ийзеер де. «Эҥир кирген, таҥ аткан» деген сӧстӧрлӧ ол јайаган ӧйлӧрди бой-бойынаҥ башкалаган (Башталганы 1:5, 8, 13, 19, 23, 31). Анайып, кажы ла јайаган ӧйдиҥ бажында Јайаачы бойыныҥ амадузын — ол «кӱнде» нени эдерин јарт кӧргӧн. Оноҥ сананып алганын эткен (Ачылта 4:11). Иов Кудай керегинде мындый сӧстӧр айткан: «Ол эдерге турганын ончозын эдер» (Иов 23:13). Иегова «бойыныҥ јайаганын» кӧрӧлӧ: «Јакшы!» — деп айдып, тыҥ сӱӱнген болор (Башталганы 1:31).

Биске амадуларыска јединерге тыҥ кӱӱнзеер керек. Је мыны канайып эдер? Качан јер бӱдӱш-бадыш јок ло куру болордо, Иегова јерди оны мактайтан эрјинедий сӱреен јараш болуп калары керегинде сананган. Анайып ла бис јакшы амадулар тургузала, ол амадуларыстыҥ тузазын сананзаас, јакшы болор. Темдектезе, 19 јашту Тониныҥ јӱрӱмин кӧрӱп ийектер. Ол Иегованыҥ Керечилериниҥ Кӱнбадыш Европадагы Бет-Элинде баштапкы катап бололо, сӱреен тыҥ кайкаган. Оноҥ ол айткан: «Бот мында јадып, иштеген кижи!» Ол бу амадузына јединерге, бойыныҥ јанынаҥ кӧп албаданган. Оноҥ бир канча јылдаҥ оны Бет-Элге иштеерге кычырып ийерде, ол сӱреен тыҥ сӱӱнген!

ЈАҤАР АЙ 11—17

КУДАЙДЫҤ СӦЗИНДЕГИ ЭРЈИНЕЛЕР | ИОВ 25—27

Кӧгӱс кӱмӱштер бедирейдис

w16.11-U 9, абз. 3

Кудайдыҥ Сӧзи аайынча јуулган албаты

³ Иегованыҥ ончо јайаандары оны аайлу-башту Кудай деп кӧргӱзет. Агару Бичикте мынайда айдылган: «Иегова јерди ойгор болгоныла тӧзӧгӧн, теҥерини ӧткӱн болгоныла јайаган» (Укаа 3:19). Бис «оныҥ јолдорыныҥ јӱк ле кырын» билерис, биске оныҥ «јӱк ле шымыранганы... једет» (Иов 26:14). Планеталар, јылдыстар ла галактикалар керегинде кӧпти билбес те болзоос, бу ончо неме тургузылган јасактарла јӱрет деп оҥдоп јадыс (Сар. 8:3, 4). А галактикаларга кирип турган миллиондор јылдыстардыҥ да учужы аайлу-башту. Керек дезе бистиҥ Солнечный системадагы планеталар Кӱнди айландыра бойыныҥ орбиталарыла айланат, бу дезе јолдо маҥтадатан ээжилерди бӱдӱрип турганына тӱҥей. Јер-телекейде ончо немениҥ аайлу-башту болгоны бисти «теҥерини ойгорыла» јайаган Иегованы мактаарга ла јӱк ле ого бажырарга кӱӱнзедет (Сар. 136:1, 5—9).

ЈАҤАР АЙ 18—24

КУДАЙДЫҤ СӦЗИНДЕГИ ЭРЈИНЕЛЕР | ИОВ 28, 29

Кӧгӱс кӱмӱштер бедирейдис

g00-U 8/7 11, абз. 3

Кӱлӱмјиниҥ тузазы

Кӱлӱмји айалганы солып ийер аргалу деп слер јӧпсинер болороор. Слерде де мындый учурал болгон болор: та кемниҥ де кӱлӱмзиренип турганын кӧрӧлӧ, слер бойоорды јеҥил сезип, токынай бергенеер. Ол эмезе кижи кӱлӱмзиренбей турза, слер уйалып, бойоорды эби јок сескенеер. Чын ла, кӱлӱмји айалганы солып ийер аргалу. Кӱлӱмји кӱлӱмзиренип те турган кижиге, оны кӧрӱп те турган кижиге тузазын јетирет. Јебрен ӧйдӧ јаткан Иов деп кижи бойыныҥ ӧштӱлерине мындый сӧстӧр айткан: «Мен олорго кӱлӱмзирензем, олор бӱтпейдилер; јӱзимниҥ јаркыны олорды токунаткан» (Иов 29:24). Иовтыҥ јӱзиниҥ «јаркыны» оныҥ ачык-јарык ла јалакай болгонын кӧргӱскен болор.

ЈАҤАР АЙ 25—31

КУДАЙДЫҤ СӦЗИНДЕГИ ЭРЈИНЕЛЕР | ИОВ 30, 31

Кӧгӱс кӱмӱштер бедирейдис

w05-U 15/11 11, абз. 3

Кижини лаптап угуп, сӱӱжигерди кӧргӱзигер

Иовтыҥ најылары оныҥ куучынын јаантайын угуп туратан. Је андый да болзо, Иов: «Мени кем-кем лаптап уккан болзо» — деп комыдаган (Иов 31:35). Нениҥ учун? Нениҥ учун дезе најылары оны уккан да болзо, Иовты бу бир де токунатпаган. Најылары оны керексибеген, оны оҥдоорго ло килеерге бир де албаданбаган. Је апостол Пётр бистерди: «Ончогордыҥ санаагар јаҥыс болзын, килежип јӱригер, карындаштарды сӱӱгер, јымжак јӱректӱ, најылык, улуркабас санаалу болыгар» — деп кӱӱнзеткен (1 Пётр 3:8). Килемјини канайып кӧргӱзер? Темдектезе, кижиниҥ сезимдерин ајаруга алып, оны оҥдоорго албаданыгар. А бу дезе мындый сӧстӧристеҥ кӧрӱнер, темдектезе, «сеге јеҥил эмес болгон болор», ол эмезе «сени кем де оҥдобой турза, коркышту ачу болот». Анайда ок кижини килеп турганыс оныҥ айтканын бойыстыҥ сӧстӧрисле чыгара айдып ийзеес кӧрӱнер. Айдарда, кижини лаптап угуп, ого сӱӱжисти кӧргӱзери — јӱк ле оныҥ сӧстӧриниҥ учурын оҥдооры эмес, је оныҥ сезимдерин де оҥдоп турары дегени.