«Јӱрӱмис ле ижибис» деп иштиҥ тетрадиниҥ источниктери — Каруулчы шибеениҥ ОНЛАЙН-БИБЛИОТЕКАЗЫ

«Јӱрӱмис ле ижибис» деп иштиҥ тетрадиниҥ источниктери

КӰӰК АЙ 5—11

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 12

Кӧгӱс кӱмӱштер бедирейдис

ijwyp-U статья 95, абз. 10, 11

● Уур-кӱчтерге чын кӧрӱмдӱ бол. Уур-кӱчтерди ајаруга турбас немелердеҥ ылгаштырарга ӱренип ал. Агару Бичикте айдылат: «Тенек кижи кыртыштанганын ол ло тарый кӧргӱзет, је керсӱ кижи јамандаганына ајару этпей јат» (Укаа сӧстӧр 12:16). Кажы ла немеге ӧйинеҥ ӧткӱре санааркабас керек.

«Школдо балдар болгон ло немеге комыдагылап турза, соцсетьтерде најылары комментарийлеринде олордыҥ сӧстӧриле јӧпсинип јат. Мынаҥ улам олор болор-болбос немеге оноҥ тыҥ комыдап баштагылайт» (Джоанн).

КӰӰК АЙ 12—18

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 13

Кӧгӱс кӱмӱштер бедирейдис

it-1-U 1290, абз. 2

Сӱӱш јастыра болордоҥ айабас. Кижи Кудайдыҥ агару тыныла башкарынып, Агару Бичиктеҥ алган билгирлерди тузаланып турза, јӱк ле ол тушта чын сӱӱшти кӧргӱзет. Бойыныҥ балазын сӱӱп турган ада кижиниҥ темин кӧрӱп ийектер. Ол балазыныҥ нени ле айтканын эдип турза, оныҥ сӱӱжи јастыра болор. Мынайып адазы балазын таскадатан, керек дезе кату каруузына тургузатан молјузын бӱдӱрбей јат (Ук 22:15). Мындый сӱӱшти сӱӱш деп айдып болбозыҥ, нениҥ учун дезе бу тушта адазы јӱк бойын сананып турганын кӧргӱзет. Агару Бичикте айдылганыла болзо, бу учуралда адазы балазын кӧрӧр кӱӱни јок болгонын кӧргӱзет, нениҥ учун дезе балазыныҥ јӱрӱмин аргадайтан керектер этпей јат (Ук 13:24; 23:13, 14).

КӰӰК АЙ 19—25

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 14

Кӧгӱс кӱмӱштер бедирейдис

it-2-U 105, абз. 6

Кӧп учуралдарда сагыжын иштетпей турган улус јазап сананып турган улусты јакшы кӧрбӧй јат. Анайда ок Кудайдыҥ табын бӱдӱрерге, сагыжын иштедип турган улусты база јаман кӧргӱлейт. Бу керегинде Иисус: «Је слер телекейдеҥ эместе, Мен слерди телекейдеҥ ылгап алгамда, слерди телекей јаман кӧрӱп јат» — деп айткан (Ин 15:19). База бир учуралда Укаа сӧстӧр 14:17 «јазап сананып» деп кӧчӱрилген еврей сӧс јаман санааларды темдектеер аргалу. Оныҥ учун кезик кӧчӱрмелерде мынайып бичилген: «Јаман сагышту кижини јаман кӧрӧт» (Тх) эмезе «Ӧнӧтийин јаман эдип турган кижини јаман кӧрӧт» (СП, ПАМ).

КӰӰК АЙ 26 — КИЧӰ ИЗӰ АЙ 1

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 15

Кӧгӱс кӱмӱштер бедирейдис

ijwbq-U статья 39, абз. 3

2. Меге ӧскӧ врачтардыҥ санаа-шӱӱлтезин билип алар керек пе? Кӧп врачтардыҥ санаа-шӱӱлтезин билип алганы тузалу болор, анчада ла слердиҥ су-кадыгар кӱч айалгада болзо (Укаа сӧстӧр 15:22).

КИЧӰ ИЗӰ АЙ 2—8

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 16

Кӧгӱс кӱмӱштер бедирейдис

it-2-U 144, абз. 3

Тенек улус Иегованыҥ айтканын угар кӱӱндери јок (Ср 50:16, 17; Ук 1:7). Мынаҥ улам олор бойлоры ла шыралап јат, анайып олор кату каруузына тургузылат. Укаа сӧстӧрдӧ айдылат: «Тенек кижи дезе бойыныҥ тенек болгоныла кату каруузына тургузылат» (Ук 16:22). Темдектезе, Кудайды укпай турганынаҥ улам, олор јоксыраардаҥ, уйатка тӱжердеҥ, оору-јоболго табартардаҥ, керек дезе божоп то калардаҥ айабас. Јебрен Израиль албатыны алза, олор Кудайдыҥ сӧзин укпай тургангынаҥ улам јаан тӱбекке тӱжетен — ӧштӱлер олорды оодо согуп, олјого апаратан (Иер 2:30; 5:3; 7:28; 17:23; 32:33; Ос 7:12—16; 10:10; Сф 3:2).

КИЧӰ ИЗӰ АЙ 9—15

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 17

Кӧгӱс кӱмӱштер бедирейдис

it-1-U 479, абз. 6

Кижиниҥ кӧстӧринеҥ оныҥ сезимдерин кӧрӱп ийерге јараар. Темдектезе, кижи јалакай эмезе кату болгоны кӧстӧринеҥ кӧрӱнип јат (Јҥ.т 19:13); анайда ок мекеленип, сӱмеленип турган кижини база кӧзинеҥ кӧрӱп ийерге јараар (Ср 35:19; Ук 6:13; 16:30). А «Тенек кижиниҥ кӧстӧри јер-башка» — ол чын керектӱ немеге ајару этпей, санаазы чек јалаҥда (Ук 17:24). Айдарда, биске Иосафаттаҥ тем алар керек, ол Иеговага айткан: «Бис јаҥыс ла сен дӧӧн кӧрӧдис» (2Лт 20:12).

КИЧӰ ИЗӰ АЙ 16—22

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 18

Кӧгӱс кӱмӱштер бедирейдис

it-1-U 789, абз. 11 — 790, абз. 1

Јебрен ӧйлӧрдӧ шеребейдиҥ болужыла кандый бир сурактыҥ аайына чыгатан. Шеребей таштаганы, чертенгени ле чилеп, мӱргӱӱлде Кудайга баштанганыла колбулу болгон. Оныҥ учун шеребей таштаган улус, Иегова кӱӱн-табын кӧргӱзип ийер деп сакыган.

Канайып тузаланылган. Укаа сӧстӧр 16:33-те айдылган: «Шеребейди кийимниҥ эдеги дӧӧн таштап јат, је шеребей нени кӧргӱзер — ол ӱзе Иегованаҥ». Израильде шеребейди блааш-тартышты токтодорго таштайтан. Укаа сӧстӧр 18:18-те айдылат: «Шеребей кериш-урушты токтодып, ачынышкан улусты јараштырып салат». Оны азартный ойындарда качан да тузаланбайтан. Је Римниҥ јуучылдары Иисустыҥ кийимине шеребей таштап — Сарын 22:18-те судурлалганыла — бойыныҥ кирелтезине албадангылаган (Мф 27:35).

КИЧӰ ИЗӰ АЙ 23—29

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 19

Кӧгӱс кӱмӱштер бедирейдис

it-2-U 863, абз. 5

Иегова эҥ ойгор. Јӱк ого јӧп берери керек јок болот. Оныҥ Уулы «Ойгор јӧп береечи» болуп, башкарту берер аргалу, не дезе, ол Адазыныҥ јӧптӧрин угуп, тузаланган, анайда ок Иисуста агару тын бар (Иса 9:6; 11:2; Ин 5:19, 30). Айдарда, тузалу јӧп берерге, Иегованы ајаруга алып турар керек. Кудайдыҥ табына келишпей турган кандый ла јӧп, калас болор. Андый јӧпти јӧп деп айдып болбозыҥ (Ук 19:21; 21:30).

КИЧӰ ИЗӰ АЙ 30 — ЈААН ИЗӰ АЙ 6

КУДАЙДЫҤ СӦЗИНДЕГИ ЭРЈИНЕЛЕР УКАА СӦСТӦР 20

Кӧгӱс кӱмӱштер бедирейдис

it-2-U 709, абз.10

Кижиниҥ чыгара тынганы, ол эмезе, оозынаҥ не ле чыкканы — јакшы да, јаман да сӧстӧр — кижиниҥ ичи јанын кӧргӱзет.