Кудай — ол јӱк ле тын јок ийде-кӱч пе?

Библиялык каруу

Кудай сӱреен јаан ийде-кӱчтӱ. Оныҥ јайаган миллиардтар тоолу јылдыстары керегинде Агару Бичикте мынайып айдылат: «Бажыгарды кӧдӱрип, теҥериге кӧрӱгер. Мыныҥ ончозын кем јайаган? Ол јылдыстардыҥ тоозын билер, олорды кажызын ла адыла адайт. Оныҥ сӱреен јаан ийде-кӱчиниҥ учы-кыйузы јок болгонынаҥ улам, олордыҥ кажызы ла бойыныҥ јеринде турат» (Исаия 40:25, 26).

Је Кудай — ол јӱк ле тегин ийде-кӱч эмес. Ол јакшыны сӱӱп јат, јаманды кӧрӧр кӱӱни јок деп, Агару Бичикте айдылат (Сарын 11:5; Иоанн 3:16). Анайда ок анда, улустыҥ керектери оны сӱӱндирер эмезе ачындырар аргалу деп база айдылат (Сарын 78:40, 41).