Иисус башкарза, јаман керектер болбос

Иисус јаман керектер ол не деп јакшы билер. Нениҥ учун дезе оныҥ бойын бир де тӧзӧлгӧ јокко бурулап, камчылап, јаргылап, коркышту тыҥ кыйнап ӧлтӱрип салгандар. Ол кандый да јаман керек этпеген бойы «улус учун јӱрӱмин» берип ийген (Матфей 20:28; Иоанн 15:13). Эмди дезе Иисус Кудайдыҥ теҥеридеги башкарузыныҥ Кааны болот. Ол удабас јаман керектерди јоголтып салза, бастыра јердиҥ ӱстинде јажын-чакка амыр болор (Исайя 42:3).

Агару Бичикте эмдиги јӱрӱмниҥ канайып солынары керегинде мынайып бичилген:

• «Јаман керектер эдип турган улус јоголып калар. Олордыҥ турган јерине кӧрӱп ийзеҥ, олорды таппай каларыҥ. Јобош улус дезе, јерди энчиленип, арбынду амырла јакшызынар» (Сарын 37:10, 11).

Айдарда, Иисустыҥ бистерге туку качан нени эдип салганы учун, келер ӧйдӧ нени эдерге турганы учун быйанысты канайып кӧргӱзерис? Иисустыҥ куучындаган «Кудайдыҥ башкарузы керегинде сӱӱнчилӱ јарды» кӧптӧдӧ билип алзаас (Лука 4:43). «Кудайдыҥ Каандыгы ол не?» деген статьяны кычырыгар.