«Јӱрӱмис ле ижибис» деп иштиҥ тетрадиниҥ источниктери
© 2025 Watch Tower Bible and Tract Society of Pennsylvania
ЈААН ИЗӰ АЙ 7—13
КУДАЙДЫҤ СӦЗИНДЕГИ ЭРЈИНЕЛЕР | УКАА СӦСТӦР 21
Кӧгӱс кӱмӱштер бедирейдис
w05-U 15/1 17, абз. 9
9 Бӱгӱнги кӱнде Иисус эштекке отурган кижи эмес, је сӱреен кӱчтӱ теҥеридеги Каан. Кӧрӱлтеде ол атты минип алган деп кӧргӱзилет, а Агару Бичикте ат јуу-согушты темдектейт (Укаа сӧстӧр 21:31). «Мен ак атты кӧрӱп ийгем. Атка мингени саадакту болгон, ого кайрал берилген. Ол јеҥӱчил чилеп, јеҥерге чыккан» — деп Ачылта 6:2-де айдылат. Иегова сеге Сионноҥ јаҥ берер. Ӧштӱлериҥниҥ ортозында бийленип јӱр деп, сарнаачы Давид Иисус керегинде бичиген (Сарын 109:2).
ЈААН ИЗӰ АЙ 21—27
КУДАЙДЫҤ СӦЗИНДЕГИ ЭРЈИНЕЛЕР | УКАА СӦСТӦР 23
Кӧгӱс кӱмӱштер бедирейдис
w04-U 1/11 31, абз. 2
Артык бескелӱ болгоны, кижини ӧйинеҥ ӧткӱре кӧп ажанып турган деп кӧргӱспей јат. Кезикте кижи кандый бир оорунаҥ улам семис болот. Анайда ок артык бескелӱ болоры ада-ӧбӧкӧзинеҥ укталып келер аргалу. Је ундыбас керек: та кемде де артык беске јок керек дезе арык та болордоҥ айабас, је бу ла ок ӧйдӧ ол улам сайын ӧткӱре кӧп ажанып јат. Мынаҥ кижи бойын тудунып билбес деп кӧрӱнет. База бир јилбилӱ неме — бир кижини бир ороондо семис деп айдар, а ӧскӧ ороондо ол ло кижини арык деп айдар.
ЈААН ИЗӰ АЙ 28 — КУРАН АЙ 3
КУДАЙДЫҤ СӦЗИНДЕГИ ЭРЈИНЕЛЕР | УКАА СӦСТӦР 24
Кӧгӱс кӱмӱштер бедирейдис
w09-U 15/10 12, абз. 5—7
Библиялык ӧйлӧрдӧ биле тӧзӧӧргӧ турган эр-кижиге бойынаҥ сураар керек болгон: «Ӱйимди ле балдарлу болуп калзам, олорды азырап болорым ба?» Ого биле тӧзӧӧрдӧҥ озо јалаҥдарын ла маала-ажын кичееп ӱренип алар керек болгон. Оныҥ учун «Современный перевод» деп кӧчӱрмеде: «Озо кыраҥда аш отургыс, оноҥ тура тут. Тура тудардаҥ озо аш ӧскӱрип билериҥ бе деп бӱдӱмјиленип ал» — деп чике айдылат. Бу принципти бӱгӱн тузаланып болорыс па?
Эйе. Биле тӧзӧӧргӧ турган эр кижиге билеле колбулу сурактарда каруулу болорго, озолондыра белетенип алар керек. Оныҥ су-кадыгы јакшы болзо, ол иштенер учурлу. Је билени кичеейтени ол јӱк ле айылдагы улузын кийим-тудум ла курсак-тамакла јеткилдеери болбой јат. Кудайдыҥ Сӧзинде кижи бойыныҥ билезин физический, эмоциональный ла кӧгӱс јанынаҥ кичеебей турган болзо, ол Кудайга бӱтпес кижинеҥ де јаман деп айдылып калган! (1 Тим. 5:8). Айдарда биле тӧзӧӧргӧ турган кижиге шӱӱп сананар керек: «Мен билемди материальный јанынаҥ јеткилдеерге белен бе? Билениҥ бажы болуп, билемге кӧгӱс јанынаҥ болужарга мен белен бе? Ӱйим ле балдарымла Агару Бичикле ӱредӱ ӧткӱретен молјуумды јаантайын бӱдӱрип болорым ба?» Кудайдыҥ Сӧзинде бу молјуларды бӱдӱрери јаан учурлу деп айдылат (Јаҥ. т. 6:6—8; Эф. 6:4).
Оныҥ учун биле тӧзӧӧргӧ турган эр кижи Укаа сӧстӧр 24:27-ги принципти јазап сананар учурлу. Анайда ок кижиге барарга турган кыска ол ӱйи ле эне болорго белен бе деп, бойынаҥ сураар керек. Мындый сурактарды шӱӱп сананганы балдарлу болотон бо, јок по деп јӧп чыгарарга база болужар (Лука 14:28). Кудайдыҥ ишчилери Иегованыҥ берген башкартулары аайынча јӱрзе, кӧп кӱчтердеҥ кыйыжып, сӱӱнчилӱ билелик јӱрӱм јӱрер.
КУРАН АЙ 4—10
КУДАЙДЫҤ СӦЗИНДЕГИ ЭРЈИНЕЛЕР | УКАА СӦСТӦРм25
Кӧгӱс кӱмӱштер бедирейдис
it-1-U 1228, абз. 7
Јобош болорго, бӱдӱмји ле ийде-кӱч керек. Јобош кижи капшай ла ачына бербей јат, карын ол керсӱ артат. Је кижи бойына алаҥзып, бӱдӱмјизи уйадап, ижемјизин јылыйтып, чӧкӧп калган болзо, ого јобош болорго кӱч болот. Андый кижи керегинде укаа сӧстӧрдӧ мынайып айдылат: «Бойын тудунып билбес кижи стенелери јемирилип калган калага тӱҥей» (Ук 25:28). Ол јаман керектерге экелетен санааларга јеҥил јайыла берет.
КУРАН АЙ 25—31
КУДАЙДЫҤ СӦЗИНДЕГИ ЭРЈИНЕЛЕР | УКАА СӦСТӦР 28
Кӧгӱс кӱмӱштер бедирейдис
w01-U 1/12 12, абз. 1
Инфарктка табарткан улустыҥ кӧбизи олордыҥ су-кадыгы јакшы деп санангылаган. Олор больницага барып, врачка кӧрӱнерге кӱӱнзебеген, керек дезе бого каткырышкан да болгон. Кезик улуста мындый санаа болот: мен христиан болодым, оныҥ учун менле не де болбос. Андый улус кӧгӱс јаны кандый айалгада болгонын шиҥдебей турган болордоҥ айабас, анайып олор тӱбекке тӱжет. Оныҥ учун бойына ӧткӱре тыҥ бӱдери кандый јеткерлӱ деп айткан апостол Павелдиҥ сӧстӧрин ундыбас керек: «Оныҥ учун, бек туруп јадым деп сананып јӱрген кижи, јыгылбаска, чеберлензин». Бис бойыбысты толо кеминде эмес деп оҥдоп, кӧгӱс јанынаҥ шиҥдеп турзаас, — ойгор болор (1 Коринфтегилерге 10:12; Укаа сӧстӧр 28:14).