6 УРОК
Агару Бичиктиҥ ӱлгерлерин јартап тур
Иоанн 10:33—36
АМАДУЗЫ Агару Бичиктиҥ ӱзӱгин кычырып ийеле, ээчий шӱӱлтеге кӧчӧргӧ меҥдебе. Угаачыларыҥ бу ӱлгердиҥ ле оны јартаганыҥныҥ колбузын јарт кӧрӱп турзын.
МЫНЫ КАНАЙЫП ЭДЕР
Тӧс сӧстӧрди аҥыла. Ӱлгерди кычырып ийеле, тӧс шӱӱлтеле чике колбулу сӧстӧрди аҥыла. Мыны дезе, бу сӧстӧрди такып айдып, эмезе угаачылар ол сӧстӧрди бойлоры таап алар эдип сурак берерге јараар.
Тӧс шӱӱлтени аҥылап тур. Ӱлгерди кычырардаҥ озо, кире сӧс эдип, оны не керектӱ кычырып јатканыҥды јартап берген болзоҥ, эмди дезе ӱлгердиҥ тӧс сӧстӧри бу кире сӧзиҥле канайып колбулу болгонын кӧргӱзип бер.
Јеҥил јарта. Тӧс шӱӱлтеле колбулу эмес оок-теек јетирӱлерле куучыныҥды уурлатпа. Ӱлгерди канча кире јартаар керек деп шӱӱп тура, угаачылар бу тема аайынча нени билерин ајаруга алып тур.