Курултайга кычыратан кампания

Бис кажы ла јыл кӧгӱс байрамысты, регионныҥ курултайын, энчикпей сакып јадыс. Ӧскӧ улус Иегованыҥ јалакайын база сезерге кӱӱнзеер болор, оныҥ учун бис курултайга канча ла кире кӧп улус кычырарга албаданарыс (Ср 34:8). Аксагалдардыҥ јӧби слердиҥ јуунныҥ јерин канайып ӧтсӧ јакшы болор ло кычыртуларды канайып кӧп таркадар деп јӧп чыгарар.

ПЛАН

• Курултай качан болор?

• Курултайга кычыратан кампания качан башталар?

• Јарлаар иштиҥ туштажулары качан болор?

• Мен кампанияныҥ ӧйинде кандый амадуларга једерге тургам?

• Мен кычыртуны кемге берер эдим?

НЕНИ АЙДАРГА ЈАРААР?

Кижиле јакшылажып ийеле, мынайып адарга јараар:

«Бӱгӱн бастыра јердиҥ ӱстинде јаан учурлу туштажуга кычырту таркадылып јат. Туштажу кайда ла качан болоры кычыртуда бичилип калган. Кӱӱнзеп келигер деп кычырып јадыбыс».

КИЖИНИҤ ЈИЛБӰЗИН КАНАЙЫП ӦСКӰРЕРГЕ ЈАРААР?

Бистиҥ амадубыс — курултайга канча ла кире кӧп улусты кычырары да болзо, јилбиркей берген кижиге ајару эдерге белен бол.

Амыраар кӱндерде јарлаган тушта, кычыртула кожо брошюраны берерге јараар.