Јӱрегиҥди белетеп ал

Агару Бичикти шиҥдеп тура, Иегованыҥ санаалары јӱрегисти томултып турзын деп кӱӱнзейдис. Је томултсын деп, озо јӱрегисти белетеп алар керек. Бу јанынаҥ биске Ездраныҥ теми болужар. Ол «Иегованыҥ јасагын шиҥдеерге... бойыныҥ јӱрегин белетеп алган» (Езд. 7:10). Јӱрегисти белетеп аларга, нени эдер?

Мӱргӱгер. Кажы ла ӱредӱни мӱргӱӱлдеҥ баштагар. Иегова биске кычырып шиҥдегенисти оҥдоп аларга ла оны јӱрӱмде тузаланарга болушсын деп мӱргӱгер (Сар. 119:18, 34).

Јобош болугар. Кудай дезе, бийиркек ле бойыныҥ сагыжына иженип турган улустаҥ чындыкты јажырып јат (Лука 10:21). Агару Бичикти шиҥдеп тура, улусты билип алганаарла кайкадарга амаду тургуспагар. Бойоордо та нени де солыыр керек деп кӧрӱп ийзеер, јобожыдынып солыныгар.

Бистиҥ кожоҥдорды угыгар. Кӱӱ кижиниҥ јӱрегин тереҥ томултар аргалу. Оныҥ учун ӱренер алдында бистиҥ кожоҥдорды укса, бу Иегованаҥ ӱренерге, јӱрегисти белетеп аларга болужар.