Lembrieko
24 Kumira kud unegi i kum dhanu ma reco,
Man kud iyeny nibedo kugi,
2 Kum adundegi paru lembe mi rop,
Man dend dhoggi yero lembe ma rac.
3 Ot* gomere nikum rieko,
Man juketho ebedo museme nikum ng’iyo i lembe.
4 Nikum ng’eyong’ec, kusikane pong’
Ku piny ceke ma pigi tek man lonyo ma beco.
5 Ng’atu ma riek en e jatego,
Man ng’atini medo tego pare ku ng’eyong’ec.
7 Rieko mandha ni bor ni jakasegu;
Ebedo mbe ku lembe m’eyer i dhugang’ mir adhura.
8 Ng’atu ma pangu nitimo lembe ma rac
Jubilwong’e jadit mi gamba.
9 Camu gamba mi kasegu* en e dubo,
Man dhanu dagu jacac.
10 Tek cwinyi utur i nindo mi can,*
Tego peri bibedo nok.
11 Bodh ju ma jubetero i bang’ tho,
Man cer ju ma gibecidho thamba thamba i bang’ nek.
12 Ento tek iwacu kumae: “Wang’eyo ngo lembuno,”
Nyo Ng’atu ma ng’iyo i adunde* uneno ngo lembene?
Eyo, Ng’atu ma neni* bing’eyo
Man ebiculo ni ng’atuman nimakere ku tic pare.
13 Woda, cam miyokic pilembe e ber;
Miyokic m’uai i pedone mit i leb.
14 Rom rom kumeno, ng’ey nia rieko tie ber iri.*
Tek inwang’e, anyim peri bibedo ma ber
Man genogen peri bikabere ngo.
15 Nikum racu peri kud ikan libo ceng’ini i kum ot pa won bedopwe;
Kud inyoth kayom pare.
16 Kum won bedopwe copo podho wang’ abiro, ento ebiai malu kendo,
Re jatimrac bikier nikum lembe ma rac.
17 Kinde ma jadegini upodho, anyong’a kud unegi,
Man kinde m’ekier, kud iwek anyong’a uneg adundeni;
18 Kan ungo, Yehova bineno man anyong’a binege ngo,
Man ebiloko ng’eicwiny pare kud i kume.*
19 Ng’eicwiny kud unegi* i kum dhanu ma reco;
Kumira kud unegi i kum jutimrac,
20 Kum anyim umbe ni ng’atu m’ubetimo lembe ma rac;
Thala mi jutimrac bitho.
21 Woda, lwor Yehova man ubimo.
Man kud idikiri ku ju ma giwor ungo,*
22 Kum peko migi biwok rek.
Ng’a m’ung’eyo nyoth ma gin ario zoo* gibikelo i wigi?
23 Wec maeni de tie mi ju ma riek:
Nipoko lembe kud akoyakoya tie ber ungo.
24 Ng’atu ma tek uyero ni jatimrac kumae: “Itie dhanu m’atira,”
Dhanu bilame man thek biweco rac i kume.
25 Ento lembe biwotho ber ni ju m’ubejuke;
Mugisa mi piny ma beco bitundo i wigi.
26 Dhanu bicwiyo dend dhu ng’atu m’udwoko wang’ lembe mandha.*
27 Yik tic peri ma woko man keth piny ceke ubed ayika i podho;
I ng’eye gom ot peri.*
28 Kud imii lembatuca ma thelembene mbe i kum jadhugola peri.
Kud itii ku dend dhogi pi niwondo jumange.
29 Kud iwac kumae: “Abitimo ire tap calu m’etimo ira;
Abiculo ire kawang’ gin m’etimo.”*
30 Akadhu kud i dhu podho pa janyap,
Kud i dhu podho mir ulok pa ng’atu m’ukoso rieko.*
32 Aneno lembuni man aparu pire cuu i adundena;
Anene man anwang’u ponji ma e:*
33 Kenind nyanok, nyathi rip rip moko nyanok,
Kegwak cingi nyanok pi niyom,
34 E can bipodho i wii calu won ayeki,
Man canpiny calu ng’atu ma tie ku jamlwiny.