Zaburi
Ni jatel wi wer; juwere i dwal pa “Akuru m’ubedo ling’ ma ni bor.” Miktam* pa Daudi. Kinde ma Jufilisti gimake i Gath.
56 Nyuth ira bero, E Mungu; pilembe dhanu ma tho e ubemito coriri i wiya.*
Dieceng’ duu gibekiedo i dhoga man gibesenda.
2 Jukwor para gibesayu nimaka dieceng’ duu;
Ju ma gibekiedo i kuma ku kuhaya gi dupa.
3 Kinde ma lworo ubenega, aketho genogen para i wii.
4 Aketho genogen para iwi Mungu m’abepaku lembe pare,
Aketho genogen para iwi Mungu, lworo ubenega ngo.
Dhanu ma dhanu e* copo timo ang’o i kuma?
5 Dieceng’ duu gibenyayu can i kuma;
Paru migi tie kende kende nitima rac.
7 Mii igi matira pi racu migi.
Redh thek piny ku dhu ng’eicwiny peri, E Mungu.
8 Ikwanu dagutielo para kinde m’abewotho swa.
Jol piwang’a i usau pigulok peri.
Nyo jukiewogi ngo i buku peri?
9 Judegina gibiloko ku ng’eygi i nindo m’abikwayu kony.
Ang’eyo ma jiji mbe nia Mungu ni kuda.
10 Aketho genogen para iwi Mungu m’abepaku lembe pare,
Aketho genogen para iwi Yehova m’abepaku lembe pare.
11 Aketho genogen para iwi Mungu, lworo ubenega ngo.
Dhanu ma dhanu e copo timo ang’o i kuma?
12 Atwiyara ku lembang’ola ma ku kwong’ m’atimo iri, E Mungu;
Abithiero iri lam mi dwoko foyofoc.