Tim saa ma lee ku dhanu m’umaru Yehova

Pirang’o wacikara nitimo saa ma lee ku dhanu m’umaru Yehova? Pilembe dhanu ma watimo kugi saa mapol karacelo copo bedo ku matoke ma ber kunoke ma rac i wiwa. (Rie 13:20) Ku lapor, i nindo ceke ma Yehoiada m’ubino jalam ma dit ukwo i ie, Ubimo Yoac “utimo gin m’atira i wang’ Yehova.” (2Ke 24:2) Ento i ng’ei tho pa Yehoiada, Yoac uweko Yehova pilembe edok etheyo mer ku dhanu ma reco.​—2Ke 24:17-19.

I rundi ma kwong’a, jakwenda Paulo uporo cokiri mi Jukristu ku “ot ma dit” man umego ku nyimego ke ku “tabu” kunoke ajeni. Kara wabed asu “tabu mi jambyung,” mito ngo wadikara akeca ku dhanu ma timo lembe ma Yehova udagu, niki gibed wedi mwa kunoke dhanu mi cokiri. (2Tm 2:20, 21) Dong’ ukwayu wathei mer ku dhanu m’umaru Yehova man ma bicwaluwa nitimo ire.

NEN VIDEO MA THIWIE TIE UR CEN JURIMO MA RECO, MAN I NG’EYE DWOK WANG’ PENJI M’ULUBO E:

• Waromo caku timo saa ma lee ku dhanu m’atira ngo nenedi ma nwang’u wanyang’ ungo?

• I video ma waai waneno e, ang’o m’ukonyo Jukristu moko adek nijigo mer ku jurimo ma reco?

• Cik ma kani mir ukungu ma copo konyi kara ing’ii jurimbi ku rieko?