Keth lembakeca ma tung’ tung’ pi dwi mi Poy pi tho pa Yesu

Ku bang’ oro, dhanu pa Yehova gikiyo akiya nicokiri karacelo pi nitimo Poy pi tho pa Yesu. I kind yenga mi wang’ Poy pi tho pa Yesu man i ng’eye, wanwang’u kaka ma segi mi miyo pak man foyofoc mwa ni Yehova pi giramiya mi jamgony m’emiyo iwa. (Ef 1:3, 7) Ku lapor, watimo tego mwa zoo pi nilwong’o dhanu mange gibin i Poy pi tho pa Yesu. Jumoko gitie ku copo mi yiko i program migi kara gitim tic pa jayab yo ma jakony pi nidwoko saa 30 kunoke 50 i kind dwi mir adek ku mir ang’wen. Nyo in de imaru nimedo tic peri mi rweyo lembanyong’a i kind dwi mi Poy pi tho pa Yesu mi oro maeni? Dong’ ang’o ma copo konyi nitimo ticne ma ber?

Wang’ ma pol, wanwang’u kaka mi timo lembe lee tek walar wapangu lembene ma ber i wang’e. (Rie 21:5) Calu nindo mi Poy pi tho pa Yesu udhingo ceng’ini, eni re m’utie saa m’ukwayu wacak yikara i iye. Kepar pi kite m’iromo medo ko tic peri mi rweyo lembanyong’a i kind dwi mi Poy pi tho pa Yesu man nen gin m’iromo timo pi nitundo i kum lembakecane. I ng’eye, kway Yehova umii mugisa iwi tego peri.​—1Yh 5:14, 15.

Nyo ibeparu pi kite moko m’iromo medo ko tic peri mi rweyo lembanyong’a i kind dwi mi Poy pi tho pa Yesu?