ኢሳይያስ

የሞዓብ ኤር+ በሌሊት ስለወደመች

ጸጥ ረጭ ብላለች።

የሞዓብ ቂር+ በሌሊት ስለወደመች

ጸጥ ረጭ ብላለች።

 2 ወደ ቤቱ፣* ወደ ዲቦን፣+

ወደ ከፍታ ቦታዎቹም ለማልቀስ ወጥቷል።

ሁሉም በጣሪያዎቻቸውና በአደባባዮቻቸው ላይ ዋይ ዋይ ይላሉ፤

እያለቀሱም ይወርዳሉ።+

 4 ሃሽቦንና ኤልዓሌ+ ያለቅሳሉ፤

ድምፃቸው እስከ ያሃጽ+ ድረስ ተሰምቷል።

እያለቀሱ የሉሂትን ዳገት ይወጣሉ፤

በደረሰባቸው ድንገተኛ ጥፋት የተነሳ ወደ ሆሮናይም በሚወስደው መንገድ ላይ ሲሄዱ ይጮኻሉ።+

 6 የኒምሪም ውኃዎች ደርቀዋልና፤

ለምለሙ የግጦሽ መስክ ደርቋል፤

ሣሩ ጠፍቷል፤ አንድም የለመለመ ነገር አይታይም።

 7 በመሆኑም ካከማቹት ንብረት ውስጥ የተረፈውን እንዲሁም ሀብታቸውን ተሸክመው

የአኻያ ዛፎች የሚገኙበትን ሸለቆ* ይሻገራሉ።

ዋይታቸው እስከ ኤግላይም፣

እስከ በኤርዔሊም ድረስም ተሰምቷል።

 9 የዲሞን ውኃዎች በደም ተሞልተዋልና፤

በዲሞንም ላይ ተጨማሪ ነገሮች አመጣለሁ፦

በሚሸሹት ሞዓባውያንና

በምድሪቱ ላይ በሚቀሩት ሰዎች ላይ አንበሶች እሰዳለሁ።+