የኋላ ሽፋን

የትኛው መጽሐፍ ነው?

• በጣም ታላላቅ ናቸው በሚባሉት የሥነ ጥበብ፣ የሥነ ጽሑፍና የሙዚቃ ሥራዎች እንዲሁም በሕግ አቀራረጽ ላይ ትልቅ ተጽእኖ ያሳደረ?

• በሰው እጅ በተደጋጋሚ ሲገለበጥ ኖሮ ሳይለወጥ በመጀመሪያ በተጻፈበት መልኩ እስከ ዘመናችን የደረሰ?

• ሰዎች መጽሐፉን ለመተርጎም ሲሉ ራሳቸውን ለመከራና ለሞት እስከማጋለጥ ድረስ ራሳቸውን መሥዋዕት እንዲያደርጉ ያነሳሳ?

• ከ2,100 በሚበልጡ ቋንቋዎች ተተርጉሞ ከ90 በመቶ በላይ ለሚሆነው የሰው ዘር የተዳረሰ?

• ከብዙ መቶ ዘመናት በኋላ የታወቁ ሳይንሳዊ ሐቆችን የሚጠቅስ?

• ከማንኛውም ዘር፣ ጎሳና ብሔር የመጡ ሰዎች ሕይወታቸውን እንዲያሻሽሉ የሚረዷቸው ዘመናት የማይሽሯቸው መሠረታዊ ሥርዓቶች የሚገኙበት?

• በትክክል መፈጸማቸው በታሪክ የተረጋገጠላቸው ግልጽ የሆኑ ትንቢቶች የሚገኙበት?

እንዲህ ያለውን መጽሐፍ መመርመር ተገቢ አይሆንምን?