ምድሪቱ ‘ወንዙን ዋጠች’

ባለፉት የታሪክ ዘመናት እንደታየው፣ ሰብዓዊ ባለሥልጣናት በተለያዩ አጋጣሚዎች የይሖዋን ሕዝቦች ረድተዋል። (ዕዝራ 6:1-12፤ አስ 8:10-13) በዘመናችንም ቢሆን “ምድሪቱ” (በዚህ ሥርዓት ውስጥ ያሉ ምክንያታዊ አመለካከት ያላቸው ባለሥልጣናት) “ዘንዶው” ማለትም ሰይጣን ዲያብሎስ ያስነሳውን የስደት ወንዝ ስትውጥ ተመልክተናል። (ራእይ 12:16) “አዳኝ አምላካችን” የሆነው ይሖዋ ሕዝቡን እንዲረዱ ሰብዓዊ ገዢዎችን የሚያነሳሳበት ጊዜ አለ።—መዝ 68:20፤ ምሳሌ 21:1

ይሁንና በእምነትህ ምክንያት ለእስር ብትዳረግስ? የይሖዋ ጥበቃ እንደማይለይህ ፈጽሞ አትጠራጠር። (ዘፍ 39:21-23፤ መዝ 105:17-20) ላሳየኸው እምነት ወሮታ እንደምታገኝና ንጹሕ አቋምህን መጠበቅህ በዓለም ዙሪያ ያሉ ወንድሞችህን እንደሚያበረታታ እርግጠኛ ሁን።—ፊልጵ 1:12-14፤ ራእይ 2:10

የኮሪያ ወንድሞች ከእስር ተፈቱ የሚለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• ባለፉት ዓመታት በደቡብ ኮሪያ የሚኖሩ በሺዎች የሚቆጠሩ ወንድሞቻችን የታሰሩት ለምን ነበር?

• አንዳንዶቹ ወንድሞቻችን የተፈረደባቸውን የእስር ጊዜ ሳይጨርሱ እንዲፈቱ ያስቻለው የትኛው የፍርድ ቤት ውሳኔ ነው?

• በአሁኑ ጊዜ በእምነታቸው ምክንያት እስር ቤት ያሉ በዓለም ዙሪያ የሚገኙ ወንድሞቻችንን መርዳት የምንችለው እንዴት ነው?

• አሁን ያለንን ነፃነት እንዴት ልንጠቀምበት ይገባል?

• በፍርድ ቤት ከምናገኘው ከየትኛውም ድል በስተጀርባ ያለው ማን ነው?