በይሖዋ የማዳን ኃይል ላይ ያለህን እምነት አጠናክር

ዘኁልቁ 13:25–14:4ን አንብብ፤ ከዚያም እስራኤላውያን በይሖዋ ሳይታመኑ የቀሩት እንዴት እንደሆነ ልብ በል።

አውዱን መርምር። ከግብፅ የወጡት እስራኤላውያን ይሖዋ እነሱን የማዳን ችሎታ እንዳለው መተማመን የነበረባቸው ለምንድን ነው? (መዝ. 78:12-16, 43-53) በይሖዋ ላይ የነበራቸውን እምነት እንዲያጡ ያደረጋቸው ምንድን ነው? (ዘዳ. 1:26-28) ኢያሱና ካሌብ በይሖዋ እንደሚታመኑ ያሳዩት እንዴት ነው?—ዘኁ. 14:6-9

በጥልቀት ምርምር አድርግ። እስራኤላውያን በይሖዋ ላይ ያላቸውን እምነት ለማሳደግ ምን ማድረግ ይችሉ ነበር? (መዝ. 9:10፤ 22:4፤ 78:11) በይሖዋ በመታመንና እሱን በማክበር መካከል ምን ግንኙነት አለ?—ዘኁ. 14:11

ትምህርቱን ለማስተዋል ሞክር። ራስህን እንዲህ ብለህ ጠይቅ፦

• ‘ሙሉ በሙሉ በይሖዋ መታመን የሚከብደኝ በምን ዓይነት ሁኔታ ውስጥ ነው?’

• ‘አሁንም ሆነ ወደፊት በይሖዋ ይበልጥ መታመን የምችለው እንዴት ነው?’

• ‘ታላቁ መከራ ሲቃረብ ስለ ምን ነገር እርግጠኛ መሆን እችላለሁ?’—ሉቃስ 21:25-28