መጽሔቶችን ለማበርከት ምን ማለት ይቻላል?

መጠበቂያ ግንብ ግንቦት 1

“የምናፈቅረው ሰው ሲሞት ይህንን ሰው እንደገና ለማየት እንደምንጓጓ የታወቀ ነው፤ በዚህ አይስማሙም? [መልስ እስኪሰጥ ጠብቀው።] ብዙ ሰዎች በመጽሐፍ ቅዱስ ውስጥ የሚገኘውን የትንሣኤ ተስፋ በማወቃቸው ተጽናንተዋል። [ዮሐንስ 5:​28, 29ን አንብብ።] ይህ መጽሔት ትንሣኤ መቼ እንደሚከናወንና ከዚህ ተጠቃሚ የሚሆኑት እነማን እንደሚሆኑ ይገልጻል።”

ንቁ! ግንቦት 2005

“የኃይል ምንጭ ተፈላጊነት በየዓመቱ እየጨመረ ነው። አስፈላጊ የሆነው የኃይል ምንጭ አንድ ቀን ቢቋረጥ ምን እንደሚሆን አስበው ያውቃሉ? [መልስ እስኪሰጥ ጠብቀው።] ይህ መጽሔት ብክለት የማያስከትል የኃይል ምንጭ ለማግኘት እየተደረገ ያለውን የለውጥ ሂደት ይገልጻል። በተጨማሪም የሁሉም ዓይነት የኃይል ምንጮች ፈጣሪ ማን እንደሆነ ይናገራል።” ኢሳይያስ 40:​26ን አንብብለት።

መጠበቂያ ግንብ ግንቦት 15

“ድህነት የሌለበት ዓለም ይመጣል ብለው አስበው ያውቃሉ? [መልስ እስኪሰጥ ጠብቀው።] አምላክ የገባልንን ተስፋ ልብ ይበሉ። [ኢሳይያስ 65:​21ን አንብብለት።] ይህ መጠበቂያ ግንብ ተስፋው እንዴት እንደሚፈጸም ያብራራል።” ይህ ተስፋ መቼ ይፈጸማል? የሚለውን ጥያቄ ተመልሰህ ስትመጣ እንደምትወያዩበት ንገረው።