የይሖዋ ምሥክሮች በኢየሱስ ያምናሉ?

በሚገባ። በኢየሱስ እናምናለን፤ እንዲያውም እሱ ራሱ እንዲህ ብሏል፦ “እኔ መንገድ፣ እውነትና ሕይወት ነኝ። በእኔ በኩል ካልሆነ በቀር ወደ አብ የሚመጣ የለም።” (ዮሐንስ 14:6) ኢየሱስ ወደ ምድር የመጣው ከሰማይ እንደሆነና ፍጹም ሕይወቱን ቤዛዊ መሥዋዕት አድርጎ መስጠቱን እናምናለን። (ማቴዎስ 20:28) መሞቱና ከሞት መነሳቱ በእሱ እንደሚያምኑ በተግባር ለሚያሳዩ ሁሉ የዘላለም ሕይወት እንዲያገኙ በር ከፍቷል። (ዮሐንስ 3:16) በተጨማሪም ኢየሱስ በአሁኑ ጊዜ በሰማይ የሚገኘው የአምላክ መንግሥት ንጉሥ ሆኖ በመግዛት ላይ እንዳለና ይህ መንግሥት በቅርቡ በመላው ምድር ላይ ሰላም እንዲሰፍን የሚያደርግ መሆኑን እናምናለን። (ራእይ 11:15) ይሁንና ለኢየሱስ የምንሰጠው ቦታ እሱ ራሱ “አብ ከእኔ ይበልጣል” ያለውን መሠረት ያደረገ ነው። (ዮሐንስ 14:28) በመሆኑም ኢየሱስ ሁሉን ቻይ አምላክ እንደሆነ ስለማናምን ለእሱ አምልኮ አናቀርብም።