ኢሳ. 38:18:- “ሲኦል አያመሰግንህምና፣ ሞትም አያከብርህምና፤ ወደ ጉድጓድ የሚወርዱ እውነትህን ተስፋ አያደርጉም።” (ታዲያ እንዲህ ከሆነ ‘መዳናቸው የተረጋገጠ መሆኑን እያስታወሱ ታላቅ ደስታ ሊሰማቸው የሚችለው’ እንዴት ነው?)

በመጽሐፍ ቅዱስ መሠረት ከኃጢአት መንጻት የሚቻለው እንዴት ነው?

1 ዮሐ. 1:7, 9:- “ነገር ግን እርሱ [አምላክ] በብርሃን እንዳለ በብርሃን ብንመላለስ ለእያንዳንዳችን ኅብረት አለን፣ የልጁም የኢየሱስ ክርስቶስ ደም ከኃጢአት ሁሉ ያነጻናል። . . . በኃጢአታችን ብንናዘዝ ኃጢአታችንን ይቅር ሊለን ከዓመፃም ሁሉ ሊያነጻን የታመነና ጻድቅ ነው።”

ራእይ 1:5:- “ኢየሱስ ክርስቶስ . . . [ወደደን፣] ከኃጢአታችንም በደሙ [አጠበን።]”

የተለያዩ ዘሮች ከየት መጡ?

ዘፍ. 5:1, 2፤ 1:28:- “እግዚአብሔር አዳምን በፈጠረ ቀን በእግዚአብሔር ምሳሌ አደረገው፤ ወንድና ሴት አድርጎ ፈጠራቸው፣ ባረካቸውም። ስማቸውንም በተፈጠረበት ቀን አዳም [ወይም የሰው ዘር] ብሎ ጠራቸው።” “እግዚአብሔርም ባረካቸው፣ እንዲህም አላቸው:- ብዙ፣ ተባዙ፣ ምድርንም ሙሉአት።” (ስለዚህ የሰዎች ልጆች በሙሉ የመጀመሪያዎቹ ባልና ሚስት የአዳምና የሔዋን ዝርያዎች ወይም ተወላጆች ናቸው።)

ሥራ 17:26:- “[እግዚአብሔር] በምድር ሁሉ ላይ እንዲኖሩ የሰውን