አምላክ ጽንፈ ዓለማትን ለመፍጠር ምን ያህል ጊዜ ፈጅቶበታል?

መጽሐፍ ቅዱስ አምላክ ‘ሰማያትንና ምድርን እንደፈጠረ’ ይናገራል። ይሁን እንጂ ይህ በጥቅሉ የሰፈረ ሐሳብ፣ አምላክ ጽንፈ ዓለማትን ለመፍጠር ምን ያህል ጊዜ እንደፈጀበትም ሆነ ጽንፈ ዓለማትን ቅርጽ ለማስያዝ በምን ዘዴ እንደተጠቀመ አይጠቅስም። ታዲያ ጽንፈ ዓለማት የተፈጠሩት ቃል በቃል የ24 ሰዓት ርዝማኔ ባላቸው ስድስት ቀናት እንደሆነ የሚያምኑ ሰዎች ስለሚናገሩት ነገርስ ምን ማለት ይቻላል? በሳይንስ ባለሙያዎች ዘንድ ተቀባይነት የሌለው ይህ ሐሳብ የመጽሐፍ ቅዱስን ታሪክ በትክክል ካለመረዳት የመጣ ነው። እስቲ በመጽሐፍ ቅዱስ ላይ ያለውን ትክክለኛ ሐሳብ እንመልከት።