ይሖዋ የሚወዳቸውን ይገሥጻል። (ዕብራውያን 12:5, 6) ሚርያምንም በጣም ስለሚወዳት የኩራት ዝንባሌዋን ሳያርም ሊተዋት አልፈለገም። የተሰጣት እርማት ቢጎዳትም አድኗታል። ተግሣጹን በጥሩ ሁኔታ ስለተቀበለች የይሖዋን ሞገስ መልሳ ማግኘት ችላለች። እስራኤላውያን በምድረ በዳ የቆዩበት ጊዜ ሊጠናቀቅ እስከተቃረበበት ጊዜ ድረስ በሕይወት ኖራለች። በጺን ምድረ በዳ ውስጥ በቃዴስ በሞተችበት ወቅት ዕድሜዋ ወደ 130 ዓመት ሳይጠጋ አልቀረም።b (ዘኁልቁ 20:1) በመቶዎች ከሚቆጠሩ ዓመታት በኋላ ይሖዋ ሚርያምን በታማኝነት ላከናወነችው አገልግሎት አክብሯታል። በነቢዩ ሚክያስ አማካኝነት ለሕዝቡ “[ከባርነት] ቤት ዋጀሁህ፤ ሙሴን፣ አሮንንና ሚርያምን በፊትህ ላክሁ” በማለት ተናግሯል።—ሚክያስ 6:4