7. በኢሳይያስ ዘመን በይሁዳ የነበረው ሁኔታ ምን እንደሚመስል ግለጽ።

⁷ ኢሳይያስና ቤተሰቡ የኖሩት በይሁዳ ታሪክ ሥርዓት አልበኝነት በነገሠበት ዘመን ነበር። ፖለቲካዊ አለመረጋጋትና በጉቦ መፍረድ በእጅጉ ተስፋፍቶ የነበረ ሲሆን ግብዝነት የኅብረተሰቡን ሃይማኖታዊ መዋቅር አፍረክርኮት ነበር። የኮረብታዎቹ አናት ለሐሰት አማልክት በቆሙ መሠዊያዎች ተሸፍኖ ነበር። አንዳንዶቹ ነገሥታት ሳይቀሩ አረማዊ አምልኮዎችን አራምደዋል። ለምሳሌ አካዝ በተገዢዎቹ መካከል የነበረውን የጣዖት አምልኮ በቸልታ ከመመልከትም አልፎ ለከነዓናውያኑ አምላክ ለሞሎክ መሥዋዕት አድርጎ ‘ልጁን በእሳት በማሳለፍ’ ራሱም ጭምር የዚህ አምልኮ ተሳታፊ ሆኗል።b (2 ነገሥት 16:​3, 4፤ 2 ዜና መዋዕል 28:​3, 4) እንግዲህ ይህ ሁሉ የተፈጸመው ከይሖዋ ጋር የቃል ኪዳን ዝምድና በነበረው ሕዝብ መካከል ነበር!​—⁠ዘጸአት 19:​5-8