2. የይሖዋ ስጦታ ለሆነው ሕይወት አድናቆት እንዳለን ማሳየት የምንችለው እንዴት ነው?

ይሖዋ ለአንተ ያለውን ፍቅርና አሳቢነት ማሳየት የጀመረው በእናትህ ማህፀን ውስጥ ከተፀነስክበት ጊዜ አንስቶ ነው። የአምላክ አገልጋይ የነበረው ዳዊት “ፅንስ እያለሁ እንኳ ዓይኖችህ አዩኝ” በማለት በመንፈስ መሪነት ተናግሯል። (መዝሙር 139:16) የአንተ ሕይወት በይሖዋ ፊት በጣም ውድ ነው። (ማቴዎስ 10:29-31⁠ን አንብብ።) የሌላን ሰው ሌላው ቀርቶ የራስን ሕይወት ሆን ብሎ ማጥፋት አምላክን በጣም ያሳዝነዋል።a (ዘፀአት 20:13) ሳያስፈልግ ሕይወታችንን አደጋ ላይ መጣላችን ወይም የሌሎችን ሕይወት ከአደጋ ለመጠበቅ ተገቢውን ጥንቃቄ አለማድረጋችንም አምላክን ያሳዝነዋል። የራሳችንን ሕይወት ከአደጋ በመጠበቅና ለሌሎች ሕይወት አክብሮት በማሳየት ግሩም ለሆነው የሕይወት ስጦታ አድናቆት እንዳለን እናሳያለን።