9. ለአካዝም ሆነ ዛሬ ላሉት ክርስቲያኖች ድፍረት ሊሰጣቸው የሚገባው የትኛው ማረጋገጫ ነው?

⁹ ሶርያና እስራኤል የዶለቱት ነገር ይሳካላቸው ይሆን? አይሳካላቸውም። ይሖዋ “ይህ ምክር አይጸናምና አይሆንም” ሲል ተናግሯል። (ኢሳይያስ 7:​7) ይሖዋ በኢሳይያስ አማካኝነት፣ በኢየሩሳሌም ላይ የታቀደው ከበባ እንደሚከሽፍ ብቻ ሳይሆን “በስድሳ አምስት ዓመት ውስጥ ኤፍሬም ይሰባበራልና ሕዝብ አይሆንም” ሲልም ተናግሯል። (ኢሳይያስ 7:​8) አዎን፣ በ65 ዓመታት ውስጥ እስራኤል ሕዝብ መሆኗ ያከትማል።a ቁርጥ ያለ ጊዜ ተጠቅሶ የተሰጠው ይህ ዋስትና አካዝን ሊያበረታው ይገባል። በተመሳሳይም ዛሬ ያሉት የአምላክ ሕዝቦች የሰይጣን ዓለም የቀረው ጊዜ እየተሟጠጠ መሆኑን በማወቃቸው ይበረታታሉ።