16, 17. ከተማዋ ስትወድቅ የጢሮስ ነዋሪዎች ምን ይሆናሉ? (የግርጌ ማስታወሻውን ተመልከት።)

¹⁶ ይሖዋ ስለ ጢሮስ የተናገረውን የውግዘት ቃል በመቀጠል ኢሳይያስ እንዲህ ይላል:- “የተርሴስ ልጅ ሆይ፣ የሚከለክልሽ የለምና እንደ ዓባይ ወንዝ በአገርሽ ላይ ጐርፈሽ እለፊ። በባሕር ላይ እጁን ዘረጋ መንግሥታትንም አናወጠ፤ ምሽጎችዋንም ያጠፉ ዘንድ እግዚአብሔር ስለ ከነዓን [“ፊንቄ፣” NW] አገር አዘዘ። እርሱም:- አንቺ የተበደልሽ የሲዶና ድንግል ልጅ ሆይ፣ ከእንግዲህ ወዲህ ደስ አይበልሽ፤ ተነሥተሽ ወደ ኪቲም ተሻገሪ፣ በዚያም ደግሞ አታርፊም አለ።”​—⁠ኢሳይያስ 23:​10-12

18. ጢሮስ “የሲዶና ድንግል ልጅ” ተብላ የተጠራችው ለምንድን ነው? ያለችበት ሁኔታስ የሚለወጠው እንዴት ነው?

¹⁸ ኢሳይያስ ጢሮስን “የሲዶና ድንግል ልጅ” ሲልም ጠርቷታል። ይህም ከዚህ ቀደም በባዕድ ወራሪዎች ተይዛና ተበዝብዛ እንደማታውቅ አሁንም ቢሆን ነፃ ግዛት መሆኗን የሚጠቁም ነው። (ከ⁠2 ነገሥት 19:​21፤ ኢሳይያስ 47:​1፤ ኤርምያስ 46:​11 ጋር አወዳድር።) ይሁንና፣ አሁን ግን ጢሮስ ትጠፋለች። አንዳንዶቹ ነዋሪዎቿም ልክ እንደ ስደተኛ የፊንቄ ቅኝ ግዛት ወደ ሆነችው ኪቲም ይሻገራሉ። ሆኖም ኢኮኖሚያዊ ኃይላቸው ስለተሟጠጠ በኪቲም እረፍት አያገኙም።