⁴ የሚልክያስን መጽሐፍ ትክክለኛነት በተመለከተ በአይሁዳውያን ዘንድ ጥያቄ ተነስቶ አያውቅም። በክርስቲያን ግሪክኛ ቅዱሳን መጻሕፍት ውስጥ ከሚልክያስ መጽሐፍ ላይ የተወሰዱ ጥቅሶች የሚገኙ ሲሆን ከእነዚህም መካከል የትንቢቱን ፍጻሜ የሚያሳዩ በርካታ ሐሳቦች እናገኛለን። ይህም የሚልክያስ መጽሐፍ በአምላክ መንፈስ አነሳሽነት እንደተጻፈና በክርስቲያን ጉባኤ ዘንድ ተቀባይነት ያገኙት የዕብራይስጥ ቅዱሳን መጻሕፍት ክፍል እንደሆነ ያረጋግጣል።—ሚል. 1:2, 3—ሮሜ 9:13፤ ሚል. 3:1—ማቴ. 11:10 እንዲሁም ሉቃስ 1:76 እና 7:27፤ ሚል. 4:5, 6—ማቴ. 11:14 እና 17:10-13 እንዲሁም ማር. 9:11-13 እና ሉቃስ 1:17

¹⁵ ከዚህም በላይ በሚልክያስ 4:5, 6 ላይ ይሖዋ “እነሆ፤ . . . ነቢዩ ኤልያስን እልክላችኋለሁ” ሲል ቃል ገብቶ ነበር። ይህ “ኤልያስ” ማን ነው? ኢየሱስም ሆነ ለዘካርያስ የተገለጠለት መልአክ ስለ መጥምቁ ዮሐንስ ሲናገሩ በዚህ ስም የተጠቀሙ ሲሆን ‘ሁሉንም ነገር የሚያስተካክለው’ እንዲሁም ‘ለጌታ የተገባ ሕዝብ የሚያዘጋጀው’ እርሱ መሆኑን ገልጸዋል። ይሁን እንጂ ሚልክያስ “ታላቁና የሚያስፈራው የእግዚአብሔር ቀን ከመምጣቱ በፊት ነቢዩ ኤልያስ” እንደሚመጣ ስለገለጸ ስለ ኤልያስ የተነገረው ትንቢት በታላቁ መከራ ወቅትም ተጨማሪ ፍጻሜ ይኖረዋል።—ማቴ. 17:11፤ ሉቃስ 1:17፤ ማቴ. 11:14፤ ማር. 9:12