ዮሴፍና ማርያም በአንጻራዊ ሁኔታ ሲታይ ድሆች እንደነበሩ መጽሐፍ ቅዱስ ይጠቁማል። ይህን እንዴት እናውቃለን? የማቴዎስ፣ የማርቆስ፣ የሉቃስና የዮሐንስ ወንጌሎች ማርያምንና ዮሴፍን አስመልክተው ከሚናገሯቸው ጥቂት ታሪኮች መካከል፣ ማርያም ከወለደች ከ40 ቀን በኋላ ከዮሴፍ ጋር ወደ ቤተ መቅደሱ ሄደው የሚፈለግባቸውን መሥዋዕት ይኸውም “ሁለት ዋኖሶች ወይም ሁለት የርግብ ጫጩቶች” ማቅረባቸውን የሚገልጸው ሐሳብ ይገኝበታል።a (ሉቃስ 2:22-24) ይህን መሥዋዕት ያቀርቡ የነበሩት የበግ ጠቦት ለማቅረብ አቅም ያልነበራቸው ድሃ ሰዎች ነበሩ። ዮሴፍና ማርያም የዕለት ጉርሳቸውን ለማግኘት ብዙ መድከም ነበረባቸው። ያም ሆኖ ቤታቸው ፍቅር የሰፈነበት ነበር። ለመንፈሳዊ ነገሮች ቅድሚያ ይሰጡ እንደነበር ጥርጥር የለውም።—ዘዳግም 6:6, 7