“ቂጣውንም አንሥቶ አመሰገነ ቆርሶም ሰጣቸውና:- ይህ ስለ እናንተ የሚሰጥ ሥጋዬ ነው፤ ይህን ለመታሰቢያዬ አድርጉት አለ።”​—⁠ሉቃስ 22:19

ኢየሱስ ቂጣውን አንስቶ “ይህ ስለ እናንተ የሚሰጥ ሥጋዬ ነው” ብሎ ሲናገር እርሾ ያልገባበት ቂጣ ‘ስለ ዓለም ሕይወት የሚሰጠውን’ ኃጢአት የሌለበትን ሰብዓዊ አካሉን እንደሚያመለክት መግለጹ ነበር። (ዮሐንስ 6:51) የአማርኛ መጽሐፍ ቅዱስን ጨምሮ አንዳንድ መጽሐፍ ቅዱሶች ይህንን ጥቅስ “ይህ ሥጋዬ ነው [በግሪክኛ ኤስቲን]” ብለው ቢተረጉሙትም በቴየር የተዘጋጀው ግሪክ-ኢንግሊሽ ሌክሲከን ኦቭ ዘ ኒው ቴስታመንት ይህ ግስ በአብዛኛው “ማመልከት” የሚል ትርጉም እንዳለው ይገልጻል። ቃሉ አንድን ነገር ለማመልከት የቆመ ምሳሌያዊ መግለጫ የሚል ትርጉም አለው።​—⁠ማቴዎስ 26:26 አዲሱ መደበኛ ትርጉም ከማጥኛ ጽሑፍ ጋር የግርጌ ማስታወሻ ተመልከት

[በገጽ 5, 6 ላይ የሚገኝ ሣጥን/ሥዕል]

“ይህ ሥጋዬ ነው” ወይስ “ይህ ማለት ሥጋዬ ነው”?

ኢየሱስ “እኔ የበጎች በር ነኝ” ወይም “እውነተኛ የወይን ግንድ እኔ ነኝ” ብሎ ሲናገር ቃል በቃል በር ወይም የወይን ግንድ ነው ብለን አናስብም። (ዮሐንስ 10:7፤ 15:1) በተመሳሳይም መጽሐፍ ቅዱስ “ይህ ጽዋ . . . አዲስ ኪዳን ነው” ሲል ጽዋው ራሱ ቃል በቃል አዲስ ኪዳን እንደሆነ አድርገን አናስብም። ልክ እንደዚያው ሁሉ ኢየሱስ ቂጣው ሥጋው ‘እንደሆነ’ ሲናገር ቂጣው ሥጋውን እንደሚያመለክት መናገሩ እንደሆነ ምንም ጥርጥር የለውም። በመሆኑም በቻርልስ ቢ ዊሊያምስ የተዘጋጀው መጽሐፍ ቅዱስ ጥቅሱን “ይህ ሥጋዬን ያመለክታል” በማለት ተርጉሞታል።​—⁠ሉቃስ 22:19, 20