7, 8. መልአኩ የሰጣቸው ትእዛዝ በሐዋርያቱ ላይ ምን በጎ ተጽዕኖ አሳድሮ ሊሆን ይችላል? እኛስ ራሳችንን ምን ብለን መጠየቃችን አስፈላጊ ነው?

⁷ ሐዋርያቱ እስር ቤት ሆነው ፍርዳቸውን ሲጠባበቁ፣ በጠላቶቻቸው እጅ ተገድለው ሰማዕት እንደሚሆኑ አስበው ሊሆን ይችላል። (ማቴ. 24:9) ሆኖም ሌሊት ላይ አንድ ፈጽሞ ያልተጠበቀ ነገር ተከሰተ፤ “የይሖዋ መልአክ የእስር ቤቱን በሮች” ከፈተ።b (ሥራ 5:19) ከዚያም መልአኩ “በቤተ መቅደሱ ቆማችሁ . . . መናገራችሁን ቀጥሉ” በማለት ግልጽ መመሪያ ሰጣቸው። (ሥራ 5:20) ይህ ትእዛዝ ሐዋርያቱ ያደረጉት ነገር ትክክለኛ መሆኑን አረጋግጦላቸው መሆን አለበት። በተጨማሪም መልአኩ የተናገረው ሐሳብ ሐዋርያቱ ምንም ነገር ቢያጋጥማቸው በአቋማቸው እንዲጸኑ ሳያበረታታቸው አይቀርም። “ንጋት ላይ ወደ ቤተ መቅደሱ ገብተው” በጠንካራ እምነትና በድፍረት “ያስተምሩ ጀመር።”—ሥራ 5:21