• ጥሩ ውሳኔ ማድረግ የምንችለው እንዴት ነው?
    ለዘላለም በደስታ ኑር!—አሳታፊ የመጽሐፍ ቅዱስ መማሪያ

    • 5. የሌሎችን ሕሊና አክብር

      ሰዎች በአንድ ጉዳይ ላይ የተለያየ ውሳኔ ሊያደርጉ ይችላሉ። ታዲያ የሌሎችን ሕሊና እንደምናከብር ማሳየት የምንችለው እንዴት ነው? እስቲ ሁለት ሁኔታዎችን እንደ ምሳሌ እንመልከት፦

      ምሳሌ 1፦ መኳኳል የምትወድ አንዲት እህት ወደ ሌላ ጉባኤ ተዛወረች፤ በአዲሱ ጉባኤዋ ያሉ ብዙ እህቶች መኳኳል ተገቢ እንደሆነ አይሰማቸውም።

      ሮም 15:1⁠ን እና 1 ቆሮንቶስ 10:23, 24⁠ን አንብቡ፤ ከዚያም በሚከተሉት ጥያቄዎች ላይ ተወያዩ፦

      • በእነዚህ ጥቅሶች መሠረት እህት ምን ውሳኔ ልታደርግ ትችላለች? አንተ ሕሊናህ የሚፈቅድልህን ነገር ሌላ ሰው ሕሊናው የማይፈቅድለት ከሆነ ምን ታደርጋለህ?

      ምሳሌ 2፦ አንድ ወንድም፣ በመጠኑ እስከሆነ ድረስ የአልኮል መጠጥ መጠጣትን መጽሐፍ ቅዱስ እንደማይከለክል ያውቃል። ያም ሆኖ ጨርሶ አልኮል ላለመጠጣት ወስኗል። ይህ ወንድም አንድ ግብዣ ላይ ተገኝቶ ወንድሞች የአልኮል መጠጥ ሲጠጡ ይመለከታል።

      መክብብ 7:16⁠ን እና ሮም 14:1, 10⁠ን አንብቡ፤ ከዚያም በሚከተሉት ጥያቄዎች ላይ ተወያዩ፦

      • በእነዚህ ጥቅሶች መሠረት ወንድም ምን ውሳኔ ሊያደርግ ይችላል? አንተ ሕሊናህ የማይፈቅድልህን ነገር ሌላ ሰው ሲያደርግ ብታይ ምን ታደርጋለህ?

      ጥሩ ውሳኔ ለማድረግ የሚያስችሉ እርምጃዎች

      እየጸለየች ያለች ሴት

      1. ጥሩ ውሳኔ ለማድረግ እንዲረዳህ ይሖዋን ለምን።—ያዕቆብ 1:5

      ይህችው ሴት መጽሐፍ ቅዱስን፣ መጽሐፍ ቅዱሳዊ ጽሑፎችንና ኮምፒውተሯን ተጠቅማ ምርምር ስታደርግ

      2. ከጉዳዩ ጋር ተያያዥነት ያላቸውን መሠረታዊ ሥርዓቶች ለማግኘት በመጽሐፍ ቅዱስና በመጽሐፍ ቅዱስ ላይ በተመሠረቱ ጽሑፎች ላይ ምርምር አድርግ። ተሞክሮ ያላቸውን ክርስቲያኖችም ማማከር ትችላለህ።

      ይህችው ሴት ስታስብ

      3. የምታደርገው ውሳኔ በአንተም ሆነ በሌሎች ሕሊና ላይ የሚያሳድረውን ተጽዕኖ አስብ።